Претходно
Најтешката секс поза – сте ја пробале?
Сакате спортски предизвици? Уживате редовно во сексот? Во ред. Тогаш оваа сексуална позиција е нешто што без сомнение би требало да го пробате. Според една анкета во која учествувале 1.000 испитаници од Европа и Америка се открила секс позата што е без конкуренција најтешка и најнепријатна. Станува збор за исправената 69-ка! За оваа секс поза мажот мора да биде многу силен, а жената со многу добра координација.
Познато е дека сексот влијае на интимноста и близината со партнерот, на нежноста, на ослободувањето од стресот, на препуштањето на страста и едноставното уживање… Но, за некои, сексот може да биде и одличен тренинг. Токму овој аспект на најубавата спортска активност е тоа што ги привлекува паровите да ја пробаат исправената 69-ка. Во анкетата што погоре ја спомнавме, дури 43% од мажите и 57% од жените ја одбрале оваа секс поза како најтешка од сите.
И тоа воопшто не е чудно, бидејќи мажот, кој треба да стои, мора да има доволно физичка сила да ја издржи својата партнерка, која пак треба да е многу флексибилна и координирана, односно да знае добро да владее со секое делче од своето тело.
За да не дојде до повреда, професионалците препорачуваат да се почне од лежечка позиција. Најпрво, партнерот треба да легне на креветот или на каучот така што ќе ги постави нозете на подот. Потоа и двајцата треба да се наместат во класичната 69, со тоа што најдобро е жената веднаш да ги стави нозете зад неговата глава. Потоа доаѓа најтешкиот дел – исправувањето! Додека тој станува, таа мора цврсто да се држи за него.
Ако успеете да го направите ова, тогаш ве очекува вистинска секс авантура. И иако веруваме во вашите способности, сепак ставете душек или многу перници на подот, во случај да изгубите контрола. Безбедноста нека ви биде на прво место! Барем додека не се истренирате.
