Претходно
Мудри техники на убедување: Како да всадувате идеи во главите на луѓето?
Датум: 10 фев 2015
Коментари: 0
Тагови: идеи, манипулатор, манипулација, мисли, обратна психологија, потценување, продажба, психологија
Ако некогаш сте купиле производ кој навистина не ви бил потребен, но некако продавачот ве убедил дека ви е неопходен па подоцна сте се каеле, тоа значи дека некој успеал да всади идеја во вашата глава. Многумина го прават тоа секојдневно. Од продавачи, претпоставени, колеги, маркетинг генијалци, политичари и сл.
Ако сте го гледале „Inception“ тогаш сигурно си мислите дека всадувањето идеи во нечија глава е тешко. Но, вистината е дека и не е така тешко, напротив многу е тешко да го одбегнете тоа. Имајте на ум дека овој текст не е со цел да ве направи манипулатори, туку да ве научи како оперираат „всадувачите“ на идеи и како да избегнете да бидете жртви.
Еве како некои луѓе успеваат да всадат идеја во нечија глава.
1. Обратна психологија
Терминот обратна психологија (reverse psychology) според многумина веќе е клише. Вистината е дека обратната психологија дејствува, само што многумина не знаат како да ја применат на вистинскиот начин.
Да земеме за пример дека имате проблем со вашиот цимер кој никако не ги мие садовите. Она што вие би му го рекле е следново:
„Измиј ги чиниите, сега е твој ред.“
Во овој случај сигурно не би ве послушал, бидејќи веќе сте утврдиле дека со убаво не бидува. Наместо тоа, употребувате обратна психологија:
„Знаеш што, навистина е глупаво нон стоп да се мијат садови, па од сега ќе купувам пластични чинии за една употреба. Ако сакаш можеш да ми дадеш пари па ќе купам и за тебе.“
Вака, вашиот мрзлив цимер има само една опција – да ви даде пари и да се храни од пластични и хартиени садови, што не би му одговарало па ќе почне почесто да ги мие садовите.
Сè додека сте доволно убедливи во она што го зборувате, обратната психологија успева.
2. Никогаш не зборувајте директно – заобиколувајте
Да натерате некого да направи нешто може да биде навистина тешко. Целта на овој пристап е да направите да изгледа дека нештото било негова/нејзина идеја а не ваша. Гледајте на ова како разрешување на мистерија. Пополека, чекор по чекор му давате по една трага на вашиот соговорник сè додека самиот/ата не ја реши мистеријата, и на крај изгледа како вие да не сте предложиле ништо. Клучно е да бидете трпеливи, бидејќи ако избрзате другата страна ќе знае што правите.
Да речеме дека вашиот пријател е зависен од брза храна. Вие ќе му речете да почне поздраво да се храни, тој или ќе рече дека ќе се обиде па ќе се врати на старо, или отворено ќе ви рече да не му додевате. Значи, вие имате добра цел – да го натерате вашиот пријател да живее поздрав начин на живот, па што правите? Го терате самиот да го сфати тоа, го доведувате до момент на ненадејно сознание кое ќе му ги отвори очите.
Најпрво, не смеете да бидете очигледни. Ако му речете „Прочитав негде дека пржената храна убила не-знам-колку-луѓе во текот на минатата година“, вашиот пријател ќе знае што правите.
Она што можете да го направите е на пример да кажете шега за птичјиот грип или нареден пат кога ќе седнете во ресторан да одбиете да нарачате пржено пилешко објаснувајќи му дека пилешкото се преработува на нездрав начин и дека кокошките се ранат со хормони за да се произведе повеќе месо. Секако, ова го правите со големи паузи, не можете да му го речете ова истиот ден кога сте го предупредиле да се храни поздраво. Направете тоа да биде за вас, вие сте загрижени за вашето здравје и во никој случај не зборувате отворено и директно за проблемот, во овој случај за тоа како да го натерате вашиот пријател да се храни поздраво. По некое време може во опуштен муабет да спомнете како сте презеле нов чекор за подобрување на вашиот животен стил и колку тоа ви годи. Дури и ако после сето ова вашиот пријател не почне да се храни здраво, сигурно ќе биде поотворен да дискутира со вас на таа тема.
3. Потценете го тоа што сакате да го продадете
Да речеме дека сте продавач/ка. Сакате купувачот да потроши што е можно повеќе пари но знаете дека тој/таа би сакал да помине што е можно поевтино. Потценувањето е на некој начин слично со обратната психологија само што не е толку нападно. На пример, продавате компјутерска опрема. Имате три вида хард дискови со различен капацитет, и нормално, оној со најголем капацитет чини најмногу и сакате да го продадете.
Наместо тоа вашиот купувач ве прашува за најевтиниот. Она што вие му го велите е следново:
„Каков компјутер користите?“
Купувачот ви одговара и плус ви кажува колку зафаќаат сликите кои сака да ги чува на дискот. Вие му велите:
„Секако, 250 GB е сосем доволно сè додека сте сигурни дека не би чувале повеќе слики и дека нема да имате потреба од чување на други фајлови.“
Она што го правите е индиректно посочување дека со доплаќање на мала сума пари купувачот ќе има поголем простор за во иднина. Вие го потценувате она што не сакате да го продадете, само што не го правите тоа на очигледен начин. Ова е само прост пример, но потценувањето буквално може да ви успее секогаш и за секоја цел.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
