Претходно
Моќта на чиа семето: Дава блескав изглед на кожата и фасцинантно чувство
Чиа семето помага во борбата против слободните радикали, придонесува за блескав изглед на кожата, а што е најважно од сè – дава фасцинантно чувство. Каква моќ се крие во ова минијатурно семе со јаткаст вкус, кое исто го нарекуваме и „супер храна“? Дали навистина ја подобрува состојбата на кожата?
Чиа семето е познато уште во индијанските племиња и со векови се употребувало поради неговите извонредни корисни карактеристики. Се вели дека жените користеле само една лажица чиа семе за цел ден. Денес неговата моќ е повторно откриена. Заради високото ниво на Омега 3 масни киселини, протеини, антиоксиданси, витамини и минерали кое ги содржи чиа семето, има корисно влијание на целиот организам, како и на состојбата на кожата.
Чиа семето е најбогат ботанички извор на Омега 3 масни киселини кои се наоѓаат во природата, содржи повеќе Омега 3 масни киселини од рибиното масло. Содржи и 30% повеќе антиоксиданси од боровинките. Маслото од чиа, исто така е богато со протеини, витамини А, B1, B2, B3, железо, магнезиум, калиум, фосфор, манган, бакар, молибден, нијацин и цинк.
Покрај сите други придобивки коишто ги нуди ова семе, како што се богат извор на Омега 3, одличен извор на протеини и вистински претставник на супер храната, чиа семето истовремено е одлично и како лек за болестите на кожата.
Кога се работи конкретно за нега на кожата, чиа семето ја стабилизира масната и воспалената кожа, помага во борбата против инфекциите, го спречува создавањето на лузни и го намалува црвенилото. Намалувањето на појавата на воспаленија е голема предност за лицата кои се подложни на акни на кожата. За лицата со сува и испукана кожа, чиа семето помага при создавање на заштита која го одржува балансот на хидратација. Го лечи и подобрува квалитетот на епидермисот и го ублажува чешањето предизвикано од сувата кожа.
Антиоксидансите во чиа семето овозможуваат побрзо обновување на клетките на кожата и го блокираат штетното влијание на надворешните фактори. Со други зборови, помага во спречувањето на знаците на стареење и ја подобрува севкупната здравствена состојба на клетките на кожата.
Од каде ја црпи моќта ова минијатурно семе? Токму од внатрешноста. Омега 3 мастите спречуваат создавање на акни, брчки и придонесуваат за мазна кожа. Витаминот Е е моќен антиоксиданс кој го спречува создавањето на воспалителни процеси и појава на брчки. Ја одржува вашата кожа еластична, мазна и мека. Витаминот B3, докажан антиинфламатор, помага во намалувањето на црвенилото кое често е проследено со дамки и истовремено и ја смирува кожата. Цинкот е докажано дека помага во намалувањето на создавањето на себум и штити од создавање на бактериски инфекции предизвикани од акните. Цинкот исто така е неопходен елемент и за обновување на кожното ткиво. Помага за закрепнување на кожата по акните и го спречува појавувањето на лузни. Освен тоа, познат е и по својствата против стареењето на кожата.
А, дали постојат нус-појави од употребата на чиа? Да, вашата кожа ќе добие здрав сјај, ќе заборавите на сите проблеми што сте ги имале со кожата и ќе доживеете огромно зголемување на енергија!
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
