Претходно
Модни совети: Како да ги комбинирате кожните парчиња облека оваа пролет?
Секоја година, периодот од крајот на зимата до раната пролет е најдобар за конечно да направите големо средување во вашиот гардеробер и да ја замените облеката од дебел материјал за онаа вистинската пролетна, од провидни тенки материјали и весели бои. Меѓутоа, еден посебен материјал се издвојува во текот на сите сезони, а тоа е дефинитивно кожата. Секое дневно парче од кожа може добро да се искористи и да се носи во текот на зимата и раната пролет. Затоа секоја облека која сте ја носеле досега од кожа, немојте да ја пакувате за „зимски сон“, бидејќи одлично ќе ви послужи за комбинирање со облеката од пролетни тенки материјали.
Кожните парчиња секогаш добро доаѓаат во оние пролетни денови кога температурата се намалува, па така кожната јакна само ќе ја префрлите врз белата, памучна блуза и ќе добиете нешто модерно и корисно. Оваа комбинација е секогаш во тренд, а кожата плус како материјал и грее. Па, каде ќе пронајдете нешто подобро од тоа да ги носите кожните парчиња и во текот на пролетта?
Еве неколку примери како да ги комбинирате:
Добрата кожна јакна е една од главните парчиња во гардероберот на секоја жена, бидејќи нејзината употреба е повеќе од значајна за секоја ваша модна комбинација. Во пролет комбинирајте ја со тенки материјали и тренди облека како што се пантолоните со кратки и широки ногавици. Бидејќи кожната јакна и овој модел на пантолони се доволно ефективни парчиња облека, посакувано е да облечете некоја секојдневна блуза, а обувките секогаш можат да бидат впечатливи.
Кожната јакна навистина може да се носи буквално со сè, па затоа не мислете се дали да ја облечете со фустан од чипка, ниту пак со долг летен фустан од провиден материјал. Оваа комбинација е еднакво совршена исто како да ја споите кожната јакна со обични фармерки. Уште поинтересно е доколку фустанот е од разлетан материјали со интересни дизајни. Со ова комбинација можете да облечете балетанки или пак, плитки патики.
Доколку сте практикувале кожниот шорц да го носите исклучиво во зима со дебели хулахопки, сега е вистинско време да пробате нешто ново и интересно, а тоа е кожниот шорц да го облечете на гола нога и со блуза. Овој модел слободно можете да го носите и во пролет, бидејќи без оглед на тоа што ја сметате кожата повеќе како зимски материјал, тоа не е правило и тој одлично се комбинира со останатите пролетни аутфити. Во зависност од тоа што повеќе сакате, можете да изберете и рамни обувки, балетанки или уште подобро кратки чизми до зглоб кој ќе дадат додатен шик на вашиот изглед.
Блузата од кожа може да ви звучи претерано и мислите дека во неа би ви било претопло во пролетните денови, но кога ќе погледнете како фантастично изгледа овој модел, можеби ќе треба да размислите двапати. Со оглед на тоа дека е без ракави, оваа блуза е многу пријатна за носење во секојдневните прилики, а и материјалот од кожа сам по себе е природен, па така ова може да биде само добитна комбинација.
Доколку не сте љубител на дневните парчиња од кожа, тогаш размислете да облечете сако кое е украсено со детали од овој материјал. Така ќе го споите модерното со она што ѝ пријае на вашата кожа. Овие модели секогаш привлекуваат внимание, па набавете едно за вас во најбрзо време.
Особено интересно станува кога избирате да носите парчиња од кожа во боја. Овие парчиња се идеални за во пролет, бидејќи силните и весели бои ве радуваат и даваат занимлива нота на вашиот изглед. Без разлика дали е кожна јакна во портокалова боја или сина, кожна чанта, сè доаѓа во обѕир и бидете сигурни дека тоа е вистинскиот избор за вас.
