Претходно
Модна инспирација: Блогерка од Данска ќе ве освои со беспрекорниот стил и совршениот шарм
Таа изобилува со фотографии кои пренесуваат толку весела и позитивна нота што ќе посакате да ги поставите во дневната соба за инспирација. Всушност, Изабела Тордсен е модна блогерка која фотографира интересни моменти од своето секојдневие. Тоа што се разликува од останатите Инстаграм блогери е вибрантното опкружување и живописните филтри кои фотографијата ја претвораат во неодолива фото-приказна. Изабела е родена во Данска, но веќе неколку години живее во Лондон, каде што работи како стилист за онлајн шопинг платформата ASOS.
Со оглед на нејзината работа, многу брзо ги запознала волшепствата на фотографијата. Па, освен како блогерка, во модните кругови е позната и како фриленс фотографка. Ја обожава модата, но исто така ги сака и кафето, винтиџ автомобилите, храната, книгите, Источниот Лондон и откривањето нови симпатични локали скриени помеѓу лондонските улици.
Кога е во прашање нејзиниот стил, Изабела ја преферира практичноста. Но, понекогаш освен во комбинезони и широки парчиња облека, можете да ја видите и во комбинации кои вклучуваат пресирани здолништа, искинати фармерки и класични блузи. Како и повеќето Скандинавки, така и Изабела ја сака едноставноста и базичните модни комбинации ги зачинува со тренди модни додатоци.
Сигурно е интересен кандидат за дружење на социјалните мрежи, а мал увид во нејзиниот блогрски дневник ви откриваме во продолжение.
Продолжете на следната страница за подобро да се запознаете со стилот на оваа убавица.
