Претходно
Метод за брзо слабеење: Согорете 100 калории за само 4 минути!
Практикувајте ги овие вежби барем еднаш дневно, за да ги отстраните вишокот килограми. Познатиот американски фитнес тренер, Џим Сарет, развил свој сопствен метод за брзо слабеење, особено за оние кои немаат многу време да се посветат на активно вежбање. Џим ги смета традиционалните вежби како неефикасни. На пример, со трчањето губите само 150 калории на час. Но, неговите вежби согоруваат 100 калории за само 4 минути, доколку ги изведувате правилно.
„Ако се чувствувате во добра физичка форма, можете да се ограничите дури и на само 2 минути. Така ќе можете да ги правите 4-минутните вежби секојдневно“, вели Сарет.
Тој особено ги планирал овие вежби за луѓето кои седат поголем дел од времето, па се изморуваат по само неколку минути вежбање. За да направите тие да ви бидат секојдневна навика, обидете се да ги практикувате со некој член од вашето семејство. Во продолжение погледнете го следниов план кој ќе ви помогне да ја постигнете посакуваната тежина, со само неколку минути вежбање на ден.
Скокајте со подигање на рацете. Повторувајте го ова 10 пати.
Клекнувајте. Доволно е да ја правите оваа вежба само 10 пати во серија.
Правете склекови. Направете 10 склекови без прекин. Доколку ви е тешко на подот, обидете се да го направите тоа потпирајќи се на ѕидот.
Чекорете напред. Целиот процес на вежбање можете да го завршите со практикување вежба од вашето детство. Направете еден чекор напред со вашата лева нога и свиткајте ја десната. Па потоа обратно. Направете по 10 повторувања за секоја нога.
Имено, Сарет препорачува да ги практикувате овие вежби секогаш кога е тоа возможно. Можете да ги направите четири или пет пати по ред, а пред повторувањата земете пауза од една минута. На тој начин, вкупното време за вежбање би ви излегло околу 20 минути, а тоа е сосема доволно. Според Сарет, вежбањето во теретана им е потребно на оние кои сакаат да имаат совршена форма. Но, доколку само сакате да изгледате млади и да се чувствувате добро, овие 20 минути на ден ќе ви бидат доволни.
