Претходно
Менемен – идеален избор за појадок
Менемен е традиционално турско јадење од домати и пиперки чиј вкус може да биде збогатен со сирење или суџук. Честопати се приготвува за појадок, а ако се подготвува за ручек, се додава кромид.
Потребни состојки:
- 4 јајца
- 1 парче корен од ѓумбир
- 4 чешниња лук
- 1 кромид
- 2 поголеми домати
- ½ чаша сос од домати
- ½ лута пиперка
- ½ пиперка
- 2 лажички мелен пипер
- ½ лажичка оригано
- сол, бибер, маслиново масло, власец
Начин на подготовка:
1. Излупете ги доматите.
2. Загрејте го маслото во тавата, додадете ги лукот и ѓумбирот и мешајте сè додека не омекнат, а потоа додадете го кромидот. По неколку минути додадете ги пиперките.
3. Додадете ги доматите, оставете ја смесата да се пржи околу две минути, а потоа додадете го доматното пире и зачините освен власецот.
4. Кога ќе се сварат доматите, скршете ги јајцата едно по едно и по десет секунди измешајте ги во смесата. Послужете со власец. На здравје!
Откако го прочитавте нашиот рецепт за менамен, можеби ќе сакате да прочитате и друг одличен рецепт за појадок: јајце во лиснато тесто.
Извор: punkufer.dnevnik.hr
