Претходно
Костените лекуваат дури 13 болести: Плод кој го чува срцето и бубрезите, полн со магнезиум и витамин Ц!
Сезоната на паѓање на листовите од дрвјата ни носи плод кој е многу здрав и вреден кога се во прашање хранливите материи, минералите и витамините. За време на есента, костенот станува една од најчестите закуски, како и една од главните состојки на оброците. Како и другите јаткасти плодови, така и костенот содржи масти, но во многу помала количина. Тој не дебелее и содржи витамини кои одлично делуваат врз организмот. Здравата количина на костени на ден, за да можете да ги добиете сите негови позитивни влијанија, е 85 грама.
Хранливите својства на костенот
Костенот содржи само 1 грам масти и помалку од 70 калории на 30 грама. Содржи и витамин Ц, што го прави посебен јаткаст плод. Дневната доза од 85 грама костени содржи дури 45% од дневните потреби на организмот за витамин Ц. Плодот на костенот е богат со фолати, што е инаку карактеристика на зелениот лиснат зеленчук. Во него, освен витамин Ц, ќе ги пронајдете и витамините Б1, Б2 и Б6, заедно со фолна киселина. Таа е заслужна за формирање црвени крвни зрнца и за синтеза на ДНК. Станува збор за храна која е добра за трудниците, бидејќи спречува појава на аномалии кај фетусот. Со консумирањето костени, во организмот ќе внесете и важни материи како хранливи влакна, магнезиум, бакар, манган, калциум, железо, цинк и калиум.
Со консумирањето костени, хранливите влакна ќе помогнат да се намали нивото на холестерол. Од костенот може да се прави и брашно и пире, бидејќи тоа, како и лешникот и бадемот, е без глутен. Од друга страна, има поголем процент на скроб, заради што е сличен како компирот и пченката.
Корисен е како лек
Овој плод можете да го јадете сварен, печен, како пире или приготвен во чај. Во кој било облик, ќе го почувствувате неговиот интересен вкус и ќе ги добиете сите нутритивни вредности.
Чај од костен
Костените се познати по тоа што помагаат при дигестивните и бубрежните тегоби. Чајот од костен помага и при симптомите на астма и бронхитис.
Диви костени за вени
Важно е да знаете да го разликувате дивиот од домашниот костен, бидејќи дивиот не е за јадење. Од него се прават разни тинктури и креми, бидејќи е многу лековит. Дивиот костен како лек се користи кај проблемите со проширени вени и испукани капилари, кај хемороиди, болни менструации и зголемена простата.
Костенот го чува срцето
Костенот содржи високо ниво мононезаситени масти, како што се олеинските и палмитинските масти. Тие го штитат кардиоваскуларниот систем и ќе помогнат, заедно со хранливите влакна во костенот, да се намали нивото на холестерол.
Го исфрла вишокот вода
Костенот има својство да ја исфрла водата од организмот, па со тоа помага при бубрежните и желудочните тегоби. Ќе помогне и при циркулацијата и протокот на храната низ цревата, како и на водата.
Делува против воспаленија
Заради своите антивоспалителни својства, костенот е идеална намирница за луѓето кои патат од артритис и реума.
Бидејќи започна сезоната на костените, погледнете како добро да ги изберете, совршено да ги подготвите и брзо да ги излупите.
