Претходно
Корн-дог – рецепт за вкусните американски виршли на стапче
Виршли кои ќе ги обожаваат вашите најблиски…
Потребни состојки:
- 90 г брашно
- 115 г пченкарно брашно
- 2 лажици шеќер
- ½ лажиче прашок за печиво
- 1/8 лажиче сода бикарбона
- ¼ лажичка црвен пипер
- 1 лажичка сол
- 1/8 лажичка бибер
- 185 мл полномасно млеко
- 1 јајце
- 6 големи виршли
- 250 мл масло за готвење
- 6 дрвени стапчиња, потопени во вода барем 30 минути
- кечап
- сенф
Начин на подготовка: Маслото за готвење ставете го во тавче и загрејте го.
Обичното брашно, пченкарното, шеќерот, прашокот за печиво, содата, црвениот пипер, солта и биберот измешајте ги заедно во еден сад. Потоа во садот додадете ги млекото и јајцето и нежно измешајте ги состојките додека не добиете убава хомогена смеса. Смесата сипете ја во висока чаша, во која може да собере една виршла.
Виршлите прободете ги со стапчињата и потопете ги во смесата неколку пати. Потоа, набрзина ставете ги во врелото масло да се пржат по отприлика 4-5 минути. Откако ќе се испржат, ставете ги на хартиена крпа за убаво да се исцедат и потоа послужете ги со сенф и кечап.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
