Претходно
Kолку време е потребно за да почнете да правите различни работи пред партнерот?
Додека сте во врска, можеби се прашувате дали сте „на тоа ниво“ со партнерот, што значи дека можете да правите некои работи, како на пример да ја оставите четката за заби во станот на вашиот партнер или да побарате залак од неговата храна. Можеби е малку незгодно, па дури и непријатно да направите некои работи, особено ако не се познавате долго време и не сте навикнати отворено да зборувате за врската. Ова интересно истражување открива колку време во просек им е потребно на мажите и на жените да започнат да прават различни работи едни пред други.
Да ги запознаете пријателите на вашиот партнер: 4 месеци
Да почнете да делите храна: 4 месеци
Да се појавите без шминка пред вашиот партнер: 5 месеци
Да оставите четка за заби во домот на вашиот партнер: 6 месеци
Да престанете да се бричите: 12 месеци
Да престанете да се дотерувате за да го импресионирате вашиот партнер: 12 месеци
Да го проверувате телефонот на вашиот партнер: 12 месеци
Да побарате клуч од домот на вашиот партнер: 12 месеци
Да се здебелите: 15 месеци
На жените им треба повеќе време за да преминат на следното ниво во врската
И мажите и жените имаат приближно слични временски очекувања за првите неколку пресвртници во врската. И на двата пола им требаат околу 6 месеци пред да се запознаат со семејствата на партнерот и 9 месеци пред да заминат заедно на одмор.
Но, потоа, жените забавуваат. Ним им требаат околу 17 месеци за да живеат заедно (додека на мажите им требаат 15 месеци), 22 месеци да се свршат (на мажите им требаат 19 месеци) и 2 години и 9 месеци да стапат во брак (додека мажите се подготвени да стапат во брак по 2 години и 5 месеци).
Прочитајте како да бидете добра девојка без да се изгубите во врската.
