Претходно
Колку долго е заразна настинката?
Обичната настинка е многу честа појава што многу луѓе ја имаат неколкупати годишно, но е и многу заразна. Имено, според експертите, настинката се шири преку воздухот, преку близок контакт со заразени лица, па дури и преку фекалните материи на заразеното лице (ако некој што е болен не одржува хигиена на рацете по употреба на тоалет).
Дури и ако ги преземете сите потребни мерки за да се заштитите: темелно ги миете рацете, избегнувате да го допирате лицето и стоите понастрана од болни луѓе, големи се шансите да дојдете во контакт со бактерии и вируси. Но, дури и во тој случај, сепак можете да преземете чекори за да заштитите некој друг.
Како прво, експертите велат дека периодот на инкубација или времето помеѓу инфекцијата и првите симптоми е околу два до три дена. Но, тогаш можеби сте најмногу заразни. Најчесто, настинките се предизвикани од вируси, а периодот кога сте најмногу заразни е обично еден до два дена пред појавата на симптомите и во текот на првите два до три дена по појавата на симптомите. Станува збор за типичните симптоми на настинка: воспаление на грлото, течење на носот, кашлица, кивање, главоболка и болки во телото.
Колку долго е заразна настинката?
Кога се појавуваат симптоми на настинка, тие можат да траат од неколку дена до две недели, а во повеќето случаи, обичната настинка обично не е заразна по првата недела. Сепак, ова не е правило без исклучок. Имено, сè додека продолжувате да кашлате или покажувате какви било симптоми, сепак можете да бидете заразни.
Најдоброто нешто што можете да го направите за да се заштитите себеси и другите во текот на сезоната на грип е да ги преземете потребните превентивни мерки, како што се миење на рацете и физичка дистанца од болни луѓе. Ако настинете, најдобро е да се обидете да се изолирате колку што е можно повеќе во текот на првите неколку дена кога настинката може да биде заразна. Но, и потоа треба да бидете внимателни, сè додека не се чувствувате подобро.
Прочитајте дали стресот може да доведе до покачена температура.
