Претходно
Колач со јагоди во чашка, готов за 10 минути
Овој 10-минутен рецепт е најбрзиот начин да го смирите вашиот копнеж за благо!
Потребни состојки:
- 100 грама брашно за сите намени
- 35 грама овесни снегулки
- 1 супена лажица светло кафеав шеќер
- 1/4 кафена лажица цимет
- 1/4 кафена лажица прашок за печиво
- 1 супена лажица несолен путер, исечкан на мали парчиња
- 2 супени лажици полномасно млеко
- 260 грама јагоди, исечкани
- 30 грама шеќер во прав
- Шлаг пена, за сервирање
Начин на подготовка:
Во мал сад измешајте ги брашното, овесните снегулки, кафеавиот шеќер, циметот и прашокот за печиво. Додајте го путерот и со виљушка рамномерно разнесете ги неговите парчиња низ мешавината. Потоа сипете го и млекото и мешајте додека не добиете хомогена смеса, па тргнете ја настрана.
Во голема шолја што може безбедно да се смести во микробранова печка, измешајте ги заедно јагодите и шеќерот во прав. Потоа сипете ја смесата со брашното над нив, покривајќи ги целосно. Ставете ја шолјата во микробранова на 1,5-2 минути или сè додека горниот слој не се стврдне. Оставете малку да се олади и потоа сервирајте со шлаг пена.
Погледнете го и овој одличен рецепт за пица во шолја готова за 2 минути!
