Претходно
Која вештина сакаат да ја видат сите работодавачи на вашето CV?
Датум: 26 апр 2016
Коментари: 0
Според неодамнешните извештаи на „Американската национална ссоцијација на факултети и работодавачи“, вештината за која станува збор е во пораст и еден од најважните фактори при разгледувањето на потенцијални кандидати за работа. Повеќе од 73% работодавачи, менаџери и вработени во човечките ресурси бараат кандидати за работа со одлични комуникациски вештини, и тоа не само говорни, туку и пишани. Освен тоа, добрата невербална комуникација е рангирана како трета најпосакувана вештина во вкупниот пласман.
Покрај тоа, 75% од работодавачите споменуваат дека поголемиот фокус е ставен на пишаните комуникациски вештини кое се на факултетско образовно ниво. Така, кандидатите со добро познавање на англискиот или друг странски јазик и занимавања кои се бават со комуникациите стануваат омилени меѓу работодавачите. Во минатото, овие знаења и занимања биле сметани за многу апстрактни за професионална кариера, но за среќа времињата се промениле.
Во професионалните средини, каде горе-долу сѐ се одвива преку електронското кореспондирање, способноста на изразување идеи јасно и точно е без сомнеж пресудно. Познато е дека компаниите трошат по милијарди долари секоја година на дополнителна обука за да ги научат своите вработените на подобар правопис и граматика. Затоа, фокусирајте се на способноста за пишување. Доколку тоа е вашата силна страна, немојте да се воздржувате и обидете се тоа да го покажете или докажете на интервјуто за работа.
