Претходно
Кои особини ве прават здодевна личност?
Никој не сака да биде заборавената личност од некоја забава, или пак најздодевниот кандидат на интервјуто за работа. Кога запознавате некоја нова личност, дали ве привлекува само нивната листа на достигнувања, или пак нивната интересна перспектива кон тие успеси? Не мора постојано да одите на луди авантури за да бидете интересни, но вашиот став кон предизвиците и запознавањето нови луѓе може да игра голема улога во сликата што ја создавате за другите.
Луѓето кои сакаат напорно да работат за да преминат некоја пречка се секогаш поинтересни за разлика од луѓето кои сакаат да играат безбедно. Ако сакате да бидете интересна личност, потребно е да избегнувате неколку работи. Погледнете кои одлики им се заеднички на здодевните луѓе.
1. Личност која не препознава социјални знаци
Ако немате некое психолошко нарушување кое ве спречува во интеракција со другите, тогаш треба да имате основно познавање на социјалните знаци. Луѓето кои држат говор, а не можат да ја прочитаат нивната публика, речиси секогаш се здодевни. Тие можеби гледаат дека луѓето од публиката постојано мрдаат на столчињата и погледнуваат во часовниците, но тие не сфаќаат дека публиката едвај чека да си замине. Дури и најинтересните луѓе знаат да станат здодевни, но тие секогаш внимаваат на реакциите на другите, па веднаш се обидуваат да ја отстранат здодевноста.
2. Личност која премногу се грижи за мислењето на другите
Многу е нормално да сакате да изгледате како добра личност во очите на другите, но ако постојано се грижите за ова, вие сте „задоволувач“ на луѓето. Овие луѓе се здодевни бидејќи поради постојаната грижа да не погрешат, не си дозволуваат да се изразат и да го кажат своето мислење. Ако постојано се согласувате со другите и никогаш немате ваш цврст став, другите нема ни да ве прашуваат за мислење бидејќи веќе ќе го знаат одговорот. Интересните луѓе секогаш ги кажуваат своите мислења, па дури и ако тоа значи дека ќе погрешат.
3. Личност со негативен став
Иако е во ред понекогаш да се пожалите кога нешто не се одвива како што треба, постојаниот негативен став не треба да ви биде одлика. Луѓето кои постојано се жалат се фокусираат на нивните чувства наместо да најдат решение. Жалењето за проблемите е лесно, но барањето решение е вистински предизвик. Луѓето кои не сакаат да работат на своите проблеми се плашат да се придвижат напред. А нема ништо поздодевно од тоа да гледате некој кој сам се заробува во својата негативност.
4. Личност што верува дека сите се здодевни освен таа
Ова е еден вид нарцизам и постои кај голем број луѓе. Ако вие не знаете да се заинтересирате за некој друг или за нешто надвор од вашето поле на интерес, вие не можете да доживувате нови искуства или пак, да запознавате нови луѓе. Интересните луѓе секогаш настојуваат да се поврзат со другите и тие не само што зборуваат, туку и слушаат што има да каже нивниот соговорник.
5. Личност што постојано ја става својата стабилност на прво место
Некои луѓе се задоволни во својот „меур“, не сакат промени и се плашат од нови нешта. Ова се луѓе кои избегнуваат да создаваат нови познанства и кои не сакаат да ја менуваат својата рутина. Луѓето кои го прават ова, самите си создаваат затвор. Тие разговараат само на неколку теми и раскажуваат исти приказни, приказни што по некое време стануваат здодевни.
Не мора да бидете многу социјални или пак да пробувате секакви работи за да бидете интересна личност. Ако не покажувате интерес за ништо и ако секоја личност е здодевна за вас, време е да се погледнете себеси и да одлучите дали светот е здодевен, или пак вам ви е потребна промена.
Доколку мислите дека вашиот живот станал здодевен и сте подготвени за нешто ново, погледнете кои знаци ви го потврдуваат тоа.
