Претходно
Како совршено да ја исчистите нечистотијата од вашето лице?
Датум: 22 мар 2013
И жените и мажите кои се грижат за својот изглед и убавина, сакаат да имаат чисто и мазно лице, без акни и митесери. За среќа, обичните акни исчезнуваат после неколку дена, но митесерите од друга страна, сè подлабоко се всадуваат во вашата кожа, особено во пределот на носот, помеѓу веѓите и на брадата. За нивно отстранување, најефикасен производ претставуваат лентите за чистење пори, кои се продаваат во секој поголем маркет или аптека.
Проблемот е само во тоа што, и покрај нивната ефикасност тие се прилично скапи, односно околу 50 денари лента за една употреба, а за најдобар ефект и чисто лице, важно е да се користат често (еднаш неделно). Интересната девојка во видеото, нашла начин како да направи леплив материјал, кој брзо се суши и се „лупи“ од лицето, а чини малку пари.
Потребни состојки:
- 1 супена лажица желатин во прав
- 1 супена лажица млеко
Начин на подготовка:
Ставете ги двете состојки во помал сад, измешајте ги убаво и ставете го садот 10 секунди во микробранова печка. Со стара четка за нанесување шминка, дрвено стапче или бибо-стапче земете дел од смесата и на задната страна од раката, проверете дали е премногу жешка. Ако не е, можете да почнете да ја мачкате областа на вашето лице, која сакате да ја исчистите од нечистотија и маснотија. Исто како и купените ленти, оставате ја смесата да се исуши на лицето околу 10 минути и потоа одлепувајте. Ефектот е одличен! 🙂
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
Bitch pliz. It’s Michelle Phan…
Probano, ne funkcionira.
TAPA! ne funkcionira ic! a i mirisot e odvraten :S
функционира ама много смрди
Со ρедовна употρебана чисто испаρено лице дава одлични ρезултати.Пρовеρено