Претходно
Како самите да направите домашно млеко од лешници?
Рецепт кој изобилува со витамините А и Е, како и со калиум и калциум
Потребни состојки:
- 125 грама лешници
- 700 милилитри вода
- 5 урми, исечкани
- Прстофат сол
- Ванила или кардамом, по желба
Начин на подготовка:
Иситнете ги лешниците и додајте ги во сад заедно со урмите и прелијте ги со топла вода. Оставете ги да отстојат неколку часа или најдобро цела вечер, а потоа додајте им сол заедно со преостанатите состојки и ставете ги во блендер.
Со двострук слој од газа, покријте една чинија така што газата ќе виси преку рабовите. Потоа, во средината сипете ја смесата и внимателно држете ги рабовите на газата, со цел ништо да не истече од страните. Со помош на вашите раце, исцедете најдобро со можете. Добиената течност е млекото од лешници кое е веднаш спремно за употреба. Остатокот од смесата во газата можете слободно да го искористите за подготовка на колачи.
Млекото подготвено на овој начин може да стои во фрижидер 3 до 4 денови.
