Претходно
Како правилно да ја негувате Т-зоната на лицето?
Правилната нега на кожа бара различни производи за нега на различни делови на лицето. Иако секој вид кожа бара посебна нега, она што за многумина е заеднички проблем е Т-зоната на лицето која ги опфаќа челото, носот и брадата. Потребно е да преземете неколку едноставни чекори во вашата дневна рутина за нега на кожата за правилно да го негувате најпроблематичниот регион на вашето лице.
Иако се смета дека луѓето со мрсна кожа имаат најголем проблем со Т-зоната, дерматолозите тврдат дека Т-зоната е најголем проблем за луѓето што имаат комбиниран вид кожа. Во овој дел на лицето порите се многу проширени и се излачува повеќе себум – природно масло кое се користи за одржување на еластичноста на кожата. На лицето со комбиниран вид кожа, образите можат да бидат многу суви, додека Т-зоната е мрсна, што бара многу специфична нега на кожата.
За да одржите баланс на потребите на одредени делови од кожата на лицето, потребно е во вашиот несесер да имате производи што одговараат на секоја индивидуална потреба на кожата на лицето. На образите нанесувајте хидратантен крем, а за Т-зоната изберете производ што е наменет за нега на помрсна кожа. За ефикасна нега, лицето треба да го миете често, но во исто време да внимавате да не претерате за да не ја исушите кожата премногу.
Производите за отстранување шминка не треба да содржат сулфати и парабен. Вистинското решение за отстранување на шминката од комбиниран вид кожа е блага пена за миење на лицето и мицеларна вода. Последниот чекор за време на студените зимски денови е кремот. На Т-зоната нанесете крем со низок процент на масло, а на образите и на вратот нанесете хидратантен крем.
За да ја задржите оваа област под контрола, одберете хидратантна пудра за целото лице, а на Т-зоната нанесете пудра наменета за мрсна кожа која не содржи масло и алкохол. Исто така, за да не ви сјае овој дел од лицето, потребно е да го матирате со пудра во прав. Избегнувајте тешки пудри за да спречите затнување на порите и изберете пудра со малку полесна текстура.
Погледнете го рецептот за оваа маска со којашто вашата кожа ќе изгледа 10 години помладо.
