Претходно
Како да престанете да ги апсорбирате туѓите емоции и енергии?
Дали лесно ги апсорбирате туѓите емоции? Дали нечии чувства лесно ви се „лепат“ на душата и секоја ситуација ја доживувате како да е своја? Ова е карактеристика на емпатите, луѓето кои лесно се соживуваат со другите. Емпатијата е прекрасна особина, но важно е да знаеме да ја контролираме за да се заштитиме од негативните влијанија.
Еве како да престанете да ја апсорбирате енергијата и емоциите на другите луѓе – обидете се со следната вежба од 4 чекори:
1. Во моментот кога ќе забележите силна емоција, обидете се да разберете како се чувствувате
Анализата на вашите емоции ви помага да го ставите вашиот ум во состојба на пауза, што може да ве натера да се оддалечите за миг од емоционалното искуство.
2. Запрашајте се дали емоциите што ги чувствувате се ваши, туѓи или комбинација од различни емоции
Понекогаш може да биде тешко да се разбере. Едноставна вежба која може да ви помогне во овој случај: замислете дека личноста пред вас е оптимистички настроена и дека нејзината душа е полна со позитивна енергија, а потоа фокусирајте се на себе и на сопственото искуство – обидете се да сфатите дали сè уште се чувствувате исто.
3. Фокусирајте се на сочувството
Во моментот кога ќе сфатите дека овие емоции не се ваши, наместо да дозволите емоциите да ве обземат, можете да направите нешто за да ѝ помогнете на личноста која страда.
4. Вратете ги емоциите на личноста од која сте ги зеле
Обидете се да си кажете: „Се ослободувам од оваа емоционална болка бидејќи не е моја“. Користете визуелизација за целосно да ги ослободите емоциите што сте ги презеле.
Откако ги прочитавте нашите совети, можеби ќе сакате да ги прочитате и нашите 10 совети кои ќе ви помогнат да ги контролирате негативните емоции.
Извор: sensa.mondo.rs
