Претходно
Како да ја спречите појавата на мозолчиња после депилација?
Дали секогаш имате мозолчиња по депилацијата?
Иако се здодевни, мозолчињата после депилација не се невообичаени. Бидејќи восокот ги отстранува несаканите влакна, тој го отстранува и горниот слој на кожата, што ги прави порите почувствителни, кои на тој начин доаѓаат во контакт со разни масти и нечистотија.
За среќа, со некои мерки на претпазливост, можете да ја спречите појавата на мозолчиња во иднина.
Чекор 1: Пред депилација направете благ пилинг на местата коишто ќе ги депилирате со восок. Не смее да има шминки, нечистотија или мртви клетки од кожата.
Чекор 2: Кога ќе се вратите дома, веднаш избришете ја депилираната површина со крпа натопена во течност со антибактериско и смирувачко дејство. Освен на овој начин, не допирајте ја свежо измазнетата површина на кожата со рацете.
Чекор 3: Ако вашата кожа е црвена или иритирана, изладете ја неколку минути со мраз, а потоа нанесете крем за да се намали воспалението.
Чекор 4: Избегнувајте топлина, пареа и облека 48 часа по депилацијата. Како што веќе рековме, дел од горниот слој на кожата се отстранува за време на депилацијата, што ја прави почувствителна на иритација и инфекции. Чувајте ја кожата чиста и стерилна по третманот со восок.
Чекор 5: По неколку дена започнете со редовен пилинг за да го спречите ширењето на мозолчиња. Нанесете благ пилинг ако вашата кожа е почувствителна.
Што ако, и покрај сето ова, пак ви се прават мозолчиња? За да ги отстраните влакната во областа над усните, употребувајте тенки ленти со ладен восок, а во делот на бикини зоната употребувајте шеќерна паста, за која не се користат ленти, па според тоа, ова е помалку абразивна метода на депилација.
Автор: Антонина Велјановска
