Претходно
Како да имате совршена фризура и за време на врнежливите денови?
Иако пролетта им е омилено годишно време на повеќето луѓе, ненадејните промени на времето не му годат на вашиот изглед. Кога започнуваат пролетните дождови, изгледа како секој ден да имате лоша фризура. Но, не мора да биде така. За време на дождливите денови, ќе треба да вложите малку повеќе труд за вашата коса да изгледа убаво, дури и кога тоа ви изгледа како невозможна мисија.
Во текот на врнежливите денови, не можете да ја задржите правата коса или да ги зачувате беспрекорните локни, бидејќи косата станува безживотна. Па, фризурите со собрана коса се совршени за ова време.
Ниската пунџа е навистина софистицирана фризура и е совршена за деновите кога не можете да ја смирите вашата коса. Исто така можете да ја направите навистина лесно – потребно ви е само стегач за коса и неколку шноли.
За дождливите денови исто ефикасни се и плетенките кои можете да ги направите на разни начини. Рибината коска е најдобриот избор во овој период бидејќи фризурата ќе остане на место, а вие ќе изгледате неверојатно.
Доколку сакате повпечатлив изглед, можете да ја украсите пунџата со разни шноли, кои оваа сезона се навистина популарни.
Погледнете ги и совршените фризури за девојките со округло лице.
