Претходно
Како да ги сокриете вашите подочници?
Датум: 01 сеп 2011
Коментари: 0
Нема потреба вашите подочници да ве издаваат колку бурна ноќ сте имале. Со неколку козметички препарати и малку внимание, можете за една ноќ да ги сокриете и никој да не забележи дека воопшто ги имате. Еве што треба да направите.
Совети за пред легнување, кои задолжително морате да ги направите:
1. Ставете си едно шише со вода покрај креветот, особено ако сте се напиле повеќе. Алкохолот го дехидрира организмот и кожата.
2. Исчистете ја шминката. Влажните марамчиња за шминка се најпрактични, бидејќи вашето лице може да биде чисто за помалку од една минута.
3. Околу очите нанесете хидратантна крема со антиоксиданси.
Следното утро сокријте ги сите траги кои би ве издале:
1. Дајте ѝ кислород на кожата. Измијте го лицето со гел кој содржи кислород.
2. Хидратација – поминете го лицето со памукче натопено со тоник кој би му ја вратила влажноста на лицето.
3. На пределот околу очите нанесете светкава сенка.
4. Внатрешниот агол на окото осенчајте го со бело моливче. Погледот ќе ви изгледа одморено како после нормален осумчасовен сон.
Во вашата чанта секогаш носете:
1. Балсам за пределот околу очите. Кога ќе забележите дека кожата ви е сува, нанесете од него, без разлика дали сте нашминкани.
2. Коректор кој ќе одговара на вашиот тен.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
