Претходно
Како да ги согорите масните наслаги додека сте на одмор без да одите во теретана?
Одморите се одлични не само затоа што ви даваат шанса да одморите од работата, туку ви овозможуваат да видите нови нешта, да запознаете нови луѓе и да направите одлични фотографии. Но, одморот може да биде одлична можност да се вратите во форма. Погледнете како да го направите тоа без да посетувате теретана.
1. Јадете морска храна наместо месо
Постои и цело движење наречено пескатарианизам каде што луѓето го заменуваат месото со морска храна. Сепак, ова не значи дека треба целосно да се откажете од месо. Едноставно заменете ги пилешкото, телешкото и свинското со морска храна додека сте на одмор. Ова ќе биде особено лесно ако одите на место во близина на вода. Многу девојки ослабеле благодарение на овој начин на исхрана.
2. Правилно пешачење
Пешачењето е одлично за вашето здравје. За да биде уште поефикасно, можете да следите неколку совети:
- Подигнете ја главата, движете се исправено и спуштете ги рамената.
- Чекорете така што прво ќе ја спуштите петата на земја и ќе ја „оттурнете“ земјата со вашите прсти.
- Користете ги вашите раце. Движете ги спротивно од движењето на нозете.
- Пешачете барем 30 минути дневно. Навистина е лесно да го правите ова ако сте на тура за планинарење. Можете да уживате во природата, а истовремено да го подобрите вашето здравје.
3. Заменете ги пијалаците со свежи сокови и кокосово млеко
Ова е највкусниот начин на слабеење додека сте на одмор. Заменете ги сите пијалаци , вклучувајќи го и алкохолот со свежи сокови и веднаш ќе забележите разлика. За овој метод да биде што е можно поефикасен, следете ги овие совети:
- Пијте ги свежите сокови со пулпа.
- Испијте чаша сок 20 минути пред оброк. На овој начин ќе го намалите чувството на глад а вашето тело ќе ги добие потребните витамини.
- Пробајте необични сокови направени со целер, краставици и зеленчук. Сепак, немојте да претерувате бидејќи на организмот му е потребно време да се навикне на овие намирници.
- Експериментирајте со зачини. Ако додадете малку цимет или пипер, не само што ќе го подобрите метаболизмот, туку вашето мени за сокови ќе биде поразновидно.
- Немојте да пиете пастеризирани сокови. Заменете ги со локални алтернативи како кокосово млеко.
4. Искористете го песокот
Одличен начин да изгубите некој килограм се игрите на плажа. Можете да играте одбојка или фризби. Одбојката на плажа е забавна дури и ако сте само двајца. Песокот го отежнува движењето, но бидејќи ќе се забавувате нема ни да го забележите тоа. Истото важи и за трчањето и другите вежби на плажа.
5. Пливајте повеќе од 20 минути
Ќе почнете да согорувате повеќе калории по само 20 минути пливање.
- Пливајте барем 30 минути. Растојанието би требало да биде од 600 до 700 метри. Ако сте почетници, можете да почнете и со 100 метри.
- Идеалната температура на водата е од 23 до 27 степени Целзиусови. Морската вода е најдобар избор.
- Менувајте го стилот на пливање, како и интензитетот.
6. Правете вежби во водата
Вежбите во вода се многу ефективни и се одлични за во море или базен. Секогаш кога сте во вода направете ги следниве вежби:
- Застанете исправено. Водата треба да биде до вашиот врат. Испружете ги рацете и замавнете ги нозете. Обидете се да ги допрете дланките со стапалата. Направете 3 сета од по 10-15 повторувања со секоја нога.
- Трчајте во место. Обидете се да го допрете задникот со петите и движете ги рацете како да трчате на суво. Обидете се да ја правите вежбата 10 минути.
- Лебдете на грб, спуштете ги рацете доле и повлечете ги колената кон градите. Ова е одлична вежба за вашите стомачни. Направете 3 сета од по 10-12 повторувања. Ако ви е премногу тешко, можете да ја правите вежбата за секоја нога посебно.
- Движете ги рацете околу телото така што ќе создадете бранови. Правете го ова 5-10 минути.
- Завршете го вежбањето со скокови во вода. Кога скокате кренете ги рацете горе. Доволни се 3 сета од по 15-20 повторувања.
Знаевте ли дека одењето на плажа може да направи чуда за вашето психичко здравје?
