Претходно
Излегување од удобната зона: Најдобриот подарок што можете да си го подарите пред да наполните 25 години
Пред да наполните 25 години, најдобриот подарок што можете да си го подарите е живот полн со авантура. 20-тите и онака се полни со пресврти. Откако ќе завршите факултет, ништо повеќе не е сигурно, а на вас останува да ги прифатите предизвиците. Одеднаш станувате одговорни за вашиот живот и учите како да бидете возрасни. Ако се чувствувате заглавено и очајно ви е потребна промена, овие 7 причини ќе ве натераат да излезете од удобната зона.
1. Ќе најдете авантура
Можеби мислите дека е важно да ја пронајдете сродната душа во вашите 20-ти, но авантурата е уште поважна. Пред сè, секогаш ќе имате одлична приказна за раскажување. Со текот на времето ќе ги надминете сеќавањата од средно и во ред е да ги замените со нови. Ако се чувствувате заглавено, на вашиот живот му е потребно токму ова. Авантурата и напуштањето на удобната зона одат заедно. Сепак, ова не мора да значи патување низ светот. Авантурата може да биде и во вашиот двор или со вашите пријатели.
2. Ќе пробате нови нешта
Вашата удобна зона е полна со нешта што ги сакате и луѓе кои ќе бидат со вас целиот живот. Но кога ќе ја напуштите ќе пробате нови нешта и ќе ги проширите вашите погледи. Можеби ќе откриете дека сакате морска храна или дека екстремните спортови не се толку страшни. И одеднаш, ќе најдете некоја нова страст. Важно е да прифаќате речиси сè пред да наполните 25 години, особено ако се чувствувате заглавено. Ќе откриете дека ќе ви се отвораат многу повеќе врати, а оптимизмот ќе ви го направи животот неверојатен.
3. Различно ќе гледате на нештата
Понекогаш е потребна промена на перспективата. Нема потреба да одите далеку за тоа. Забележувањето на малите нешта во вашето вообичаено опкружување може да направи да се чувствувате како нова личност. Кога ќе излезете од удобната зона ќе почнете различно да ги гледате нештата. Ќе научите што ви е приоритет, а некои работи кои ви биле важни може и да не ве засегаат толку. Постојано треба да го менувате животот и да ги отстранувате нештата што ве кочат.
4. Ќе се социјализирате
Надвор од вашата удобна зона има многу добри пријатели кои чекаат да ги пронајдете. Ова се луѓето кои делат исти страсти со вас и кои ќе ве инспирираат да направите нешто. Сè додека се движите во вашите граници, нема да станете дел од тие социјални кругови и нивните придобивки. Авантурата ги зближува луѓето на најнеобичен начин.
5. Ќе откриете што не сакате
Пробувањето нови нешта ќе ви помогне да откриете што не сакате од вашиот живот. Страста на некој друг можеби за вас е најголем кошмар. Но важно е барем да се обидете и да го донесете тој заклучок од искуство. Кога ќе научите што не сакате полесно ќе ги направите промените кои ви се потребни. Голема е веројатноста дека секојдневно правите нешта кои ве кочат, само што не сте свесни за тоа сè додека не пробате нешто ново.
6. Ќе научите да си верувате
Вербата во себе не е толку едноставна колку што звучи. Кога ќе излезете од удобната зона ќе го сфатите тоа. Секој од нас има интуиција, но тешко е да ја слушаме. Многу е полесно да се помирите и да ги слушате другите да ви кажуваат како треба да ви изгледа животот. Но кога ќе го направите првиот чекор и кога ќе ја преземете контролата, ќе ја добиете самодовербата што ви е потребна. Секој ваш сон може да стане реалност ако го слушате вашиот инстинкт.
7. Ќе се пронајдете
На крај, излегувањето од удобната зона ќе ве остави со најдоброто нешто – самите себе. Можеби сте го слушнале ова безброј пати и можеби мислите дека е безначајно трагање. Но, кога ќе се соочите со неочекуваното со целото ваше битие, ќе станете подобра личност. Ќе сфатите што сакате и што ве прави среќни. Ќе најдете нови страсти и нови луѓе со кои ќе ги делите тие страсти. Ќе престанете да се грижите за тоа дали живеете или само постоите. Па, ако се чувствувате заглавено, напуштете ја удобната зона и најдете ја новата страна на живот.
За да излезете од вашата удобна зона, потребно е да ги прифатите овие стравови.
