Претходно
И сладоледот како појадок има свои предности!
Сите истакнуваат дека многу е важно да не го прескокнувате појадокот. Со вистинскиот избор на храна, тој ќе ви ја даде потребната енергија за извршување на сите обврски кои ве чекаат во текот на денот. А како ви звучи сладолед за појадок?
Иако веројатно никогаш не сте размислувале за ова, јапонските научници откриле како еден од омилените прехранбени производи ја подобрува будноста и менталните перформанси кај луѓето. Тие ги приложуваат и своите докази од ова тврдење. Испитаниците морале да јадат сладолед веднаш по будењето, а потоа да го вежбаат својот мозок на компјутерска програма. Се покажало дека кај оние кои консумирале сладолед, била забележана позабрзана реакција. Така, била забележана и поголема будност, која немала преголема поврзаност со студенилото на сладоледот. Имено, експериментот бил повторен и со ладна вода, но „чувството на будност“ по нејзиното пиење било помало отколку кога испитаниците го започнувале денот со сладолед.
Се разбира, тука постои и друга страна на приказната која ја истакнуваат нутриционистите, кои во никој случај не советуваат да го замените квалитетниот појадок со десерт. Но, понекогаш е добро да се направи исклучок, зар не?
Збогатете го вашиот оброк и погледнете ги и овие оригинални предлози за здрав и лесен појадок.
