Претходно
Хранете се здраво во текот на бременоста: 4 вкусни рецепти за идните мајки
Бременоста е најголемиот предизвик во животот на жената. Од разните проблеми, како болките во грбот, утринските мачнини… па до хормонските промени и неконтролираниот глад, бременоста може да биде тешка за справување. Сигурно како што го читате ова, во глава ви се врткаат мисли што следно да јадете. Затоа, изнајдовме 4 рецепти кои ќе ви помогнат здраво да се храните, но и ќе ви го задоволат гладот.
1. Пилешка салата
Потребни состојки:
- Пилешки гради без коски и кожа
- Кромид
- ½ корен од целер
- ½ шолја грозје
- ½ шолја сечкани ореви
- 1 ½ лажичка мајонез
- 1 лажица сок од лимон
- ½ лажичка сол
Начин на подготовка:
Сварете го месото и исечкајте го на коцки, исечете ги кромидот и целерот, а потоа сите состојки измешајте ги во голема чинија. Оставете ја салатата во фрижидер за добро да се олади пред да се послужите. Можете да ја јадете со омилениот вид леб, крутони или без леб, ако така повеќе ви се допаѓа.
2. Сладолед од банана и Нутела
Потребни состојки:
- 6 зрели банани
- 150 г Нутела
Начин на подготовка:
Ставете ги бананите во блендер и мешајте додека не добиете мазна и изедначена смеса како за пире. Потоа додадете ја Нутелата во блендерот. Добиената смеса ставете ја во калапи за сладолед или во кутија и оставете ја во замрзнувач за да се стврдне.
3. Равиоли со пармезан
Потребни состојки:
- Eдна кесичка полнети равиоли
- ½ шолја пармезан (рендан)
- 6 лажици (маслиново) масло
- 4 чешниња лук
- ¼ лажичка сол
- ½ лажичка оригано
Начин на подготовка:
Сварете ги равиолите според упатството на пакувањето и процедете ги. Потоа додајте путер или маслиново масло и пармезан. Мешајте додека сè не се соедини, а потоа додајте ги и останатите состојки. Сервирајте со зелена салата.
4. Спирални тестенини со туна
Потребни состојки:
- Конзерва туна
- ½ кесичка спирални тестенини
- Тврдо сирење
- 2 лажици масло
- 120 мл шолја млеко
- Една лажичка сол
- ½ лажичка зачини (босилек, оригано или кој било друг, по ваша желба)
Начин на подготовка:
Сварете ги тестенините според начинот на подготовка на кесичката, а потоа префрлете ги во тавче и додадете ги сите останати состојки. Варете и мешајте цело време, на ниска температура околу 10 минути. На крајот, во случај смесата да е премногу густа и сува, додадете млеко или вода. Сервирајте додека е топло во комбинација со вашата омилена салата.
