Претходно
Го слушате отчукувањето на вашето срце додека одморате? Тоа може да биде знак на животозагрозувачка состојба
Докторите објаснуваат зошто луѓето понекогаш го слушаат отчукувањето на срцето додека лежат или кога се исправени и имаат чувство како тоа да им пулсира во ушите.
Понекогаш нема причина да се грижите, само треба да промените некои навики, како што е изложеноста на прекумерен стрес или прекумерно консумирање алкохол.
Но, понекогаш отчукувањето на срцето што ги слушате во ушите открива здравствени состојби што се опасни по живот. На пример, пулсот може да открие аневризма, ослабување на ѕидот на крвните садови во мозокот, што им овозможува на крвните садови да создадат тромб што може да пукне во околното мозочно ткиво.
Докторите прво објаснуваат кога е нормално да се слушне отчукувањето на срцето. Тоа е кога ја ставаме главата на перница, што обично се случува во текот на ноќта кога голем дел од надворешните звуци се стишени, па можноста да се слушне срцебиењето е далеку поголема.
Со ставањето на главата на перницата се компресираат крвните садови (артерии, артериоли, капилари) кои носат крв од срцето до главата. Како што ги притискаме, ја намалуваме нивната еластичност, го менуваме и нарушивме нивниот тон. Ова го спречува протокот на крв и предизвикува да се слушнат промените на притисокот во нив.
Притисокот на пулсот се пренесува до сите структури и е механизам на адаптација на крвотокот на новата ситуација.
Покрај тоа, ние сме во хоризонтална положба, што секако го зголемува протокот на крв низ главата, намалувајќи ја гравитационата сила во крвотокот додека сме во стоечка положба. Бидејќи локацијата на компресијата е близу до увото, што е чувствително на звуците што доаѓаат однадвор, како и однатре, разбирливо е дека можеме да го слушнеме срцебиењето.
Пулсациите во увото се слушаат при различни патолошки состојби. Голема е разликата во тоа дали слушате пулсирање во едното или во двете уши.
Затоа треба да посетите матичен лекар, а причините може да бидат многубројни: воспаление на средното или внатрешното уво, церумен (восок на увото), воспаление и опструкција на евстахиевата туба, воспаление на аудитивниот нерв кај болести на циркулаторниот систем како атеросклероза што доведува до хипертензија, аортна аневризма и други малформации на крвните садови на главата и вратот кај сите болести кои го зголемуваат интракранијалниот волумен т.е. интракранијален притисок – тумори, крвавење во мозокот или помеѓу мембраните на мозокот, потрес на мозокот и други трауми на главата и вратот, воспаление на крајниците или плунковните жлезди, труење со никотин, потоа консумирање на алкохол или некои лекови кои го зголемуваат протокот на крв во мозокот, хормони, бременост, силен стрес, хроничен замор во некои физиолошки состојби како што се зголемена физичка активност, притисок кој доаѓа од надвор на пр. при возење со авион или лифт, како и нуркање.
Ако имате симптоми за која било од наведените причини мора да посетите лекар кој точно ќе ја утврди вашата здравствена состојба.
Можеби сакате да ги прочитате и 6-те нови трендови кои му штетат на вашето здравје.
