Претходно
Фитнес-трендови: Што носи 2021 година?
Сè околу нас се менува, дури и фитнес-трендовите. Вежбањето дома несомнено стана популарно, но кои се другите фитнес-трендови за 2021 година?
1. Пешачење
Со оглед на тоа што повеќето луѓе се фокусирани на вежбање дома и преку мобилни апликации и сите вежби се одвиваат во затворено, пешачењето стана тренд број еден. Овој кардио тренинг со лесен интензитет ви овозможува престој на отворено. Ова значи дека ве снабдува со кислород и со сончева светлина што ќе го поттикне производството на витамин Д. Покрај тоа, прошетката од околу 10 километри на ден ќе ве одржи во форма и ќе започнете да губите тежина.
2. Микротренинг
Кратките тренинзи со исклучително висок интензитет, фокусирани само на одредена мускулна група е она што е водечки тренд во моментов во светот на фитнесот. На овој начин, луѓето заштедуваат време, ја одржуваат мотивацијата и поставуваат предизвици пред нив.
Она на што треба да обрнете посебно внимание кога правите вежби за микротренинг со висок интензитет е дека треба да ги активирате сите мускулни групи во текот на неделата. Ако му го посветите понеделникот на горниот дел од телото, средата треба да биде резервирана за торзото, а петокот за долниот дел од телото. Исто така, многу е важно да не ги заборавите загревањето, повремените вежби за истегнување и да вклучите кардио тренинг во вашиот распоред.
3. Велосипедизам
Ова е евергрин во светот на фитнесот, но на крајот на минатата година доби нова форма – „еверестинг“. Овој тренд значи дека треба да најдете рид или барем наклон во вашата околина и да го повторувате искачувањето секој ден, сè додека не извозите 8 848 метри – точно онолку колку што е највисокиот врв на планетата, Монт Еверест.
4. Онлајн-вежбање / вежбање дома
Минатата година, пандемија нè принуди да излеземе од теретана и да почнеме да вежбаме дома. Така ги откривме придобивките од онлајн-вежбањето кое совршено се вклопува во животот и во обврските на повеќето луѓе.
Без разлика дали ќе се одлучите за платени програми преку Интернет, следење канали на Јутјуб, мобилни апликации или креирање сопствена програма за тренинг, вежбањето дома останува тренд и во 2021 година.
Погледнете ги овие вежби со тегови за обликување на нозете и задникот.
