Претходно
Домашни кифлички со сирење и шунка: Одличен појадок за викенд!
Испробајте го овој едноставен рецепт за кифлички во кои ќе уживате и додека ги печете и додека ги јадете.
Потребни состојки:
- 1 кг мазно брашно
- 1 свеж квасец
- 200 мл топло млеко
- Сол
- Масло
- 400 мл вода
Потребни состојки за филот:
- 150 грама шунка
- 150 грама сирење
Начин на подготовка:
- Во топлото млеко разматете го квасецот и оставете го да се подига околу половина час.
- Во брашното додајте сол, масло и квасецот.
- Со водата замесете меко тесто.
- Оставете го да се подига на топло уште еден час.
- Тестото поделете го на 5 топчиња со иста големина, растегнете ги и потоа секој дел исечете го на 4 триаголници.
- Во секој триаголник ставете по малку рендано сирење (или кашкавал) и шунка и завиткајте.
- Ставете ги кифличките во тава обложена со хартија за печење и одозгора премачкајте ги со жолчка.
- По желба, посипете им сусам или ким.
- Печете ги 20 минути на 180 степени Целзиусови.
Еве уште една идеја за појадок: Бурито со јајца и зеленчук кое е добро и за слабеење.
