Претходно
Домашен шампон против опаѓање на косата
Од губење на косата патат и мажите и жените, а причините може да се различни, од стрес, лекарства и недостаток на минерали, до болести и начин на исхрана. Добра вест е што против прекумерното опаѓање на косата можете да се изборите сами и тоа по природен пат. Направете домашен шампон базиран на еден куп лековити билки, кој лесно можете да го подготвите дома.
Потребни состојки:
- 2 чаши дестилирана вода
- Шампонска база
- Чај од рузмарин (ѝ дава сјај на косата, ги јакне фоликулите и го поттикнува растот)
- Чај од жалфија (силен антиоксиданс со антибактериско својство)
- Чај од коприва (го јакне коренот и го стимулира растот на косата)
- Чај од лаванда (го спречува мрсењето на косата и иритацијата на темето)
- 2000 мг МСМ (метилсулфонилметан) во прав
- 1 стаклена тегличка
- 1 пластично шише од 3 дл
Начин на подготовка:
- Во стаклениот сад измешајте ги сувите билки.
- Загрејте ја дестилираната вода до вриење, потоа тргнете ја од оган и во неа додадете 3 лажици од билната мешавина, поклопете и оставете така да седи 30-40 минути.
- После половина час во чајот додадете МСМ и оставете уште 10 минути додека не се растопи, па потоа процедете во друг сад.
- Во шишето ставете 1 дл чај, па додадете 1,5 дл шампонска база. Шишето затворете го и добро протресете додека сите состојки не се поврзат.
Напомени:
- Шампонска база и МСМ се продава во билни аптеки.
- Измешаните билки можете да ги затворите во тегличката и да ги зачувате за следниот пат.
- МСМ содржи сулфур кој го подобрува растот и квалитетот на косата и ноктите, го храни коренот со кислород и хранливи материи и ја негува и обновува кожата. Но шампонот може да се направи и без него.
