Претходно
Дневни парчиња кои се идеални за девојките со мали гради
Исто како девојките кои имаат големи гради, така и девојките со мали гради може да ги имаат истите проблеми да пронајдат дневни парчиња кои потполно ќе им одговараат. Па, доколку од сите празнини најмногу ве боли таа во градникот, ние денес решивме да ви претставиме дневни парчиња кои се идеални за девојките со мали гради.
1. Блузи со длабоко деколте
Кога девојките со големи гради би облекле ваков модел, би изгледале премногу вулгарно, па затоа блузите со длабоко деколте се идеални за девојките кои имаат мали гради. Со нив може да изгледате многу елегантно и женствено, а покрај тоа можете да ги носите во разни прилики за кои е дозволено ваков вид облекување.
2. Блузи со гол грб
Уште едно парче кое е идеално за девојките со мали гради е блузата со гол грб, бидејќи на најдобар начин ќе го прекрие вашиот „недостаток“. Со оглед на тоа дека овие блузи се најчесто широки или набрани на предната страна, тие претставуваат најдобар избор за секоја девојка која има мали гради.
3. Модели со отвор во пределот на градите
Баш како што е случајот со моделот на блузи со длабоко деколте, така е и со блузите или фустаните со отвор кај градите, бидејќи тие стојат многу подобро на девојките со мали гради.
4. Кроп топ
Кроп топот веќе неколку сезони е едно од најатрактивните дневни парчиња кои можете да ги носите, но овој модел на топ е идеален за девојките со мали гради, бидејќи со него секогаш ќе изгледате примерно облечени.
5. Блузи на преклоп
Добро е познато дека блузите, но и фустаните на преклоп се едни од најдобрите дневни парчиња кои може да ги носат девојките со мали гради. Затоа не пропуштајте оваа есен да пронајдете токму ваков модел на блуза, бидејќи тие се одличен избор за секоја прилика.
