Претходно
Диета со туна: Здрава за срцето, одлична за линијата и трае само 3 дена
Оваа диета со туна се држи само 3 дена во неделата, додека останатите 4 сте на нормална исхрана. Оние кои ја практикуваат тврдат дека со неа можете да изгубите и до 5 килограми. Екстремно ниското внесување калории значи дека ќе изгубите дел од непотребните маснотии, но самото ослабување е под влијание на малкуте јаглехидрати кои му помагаат на телото да задржува течности. Сè уште не постојат докази дали оваа диета го намалува холестеролот и го чисти телото, но со сигурност тврдиме дека таа е здрава за вас.
За време на диетата треба да се придржувате до следниот режим на исхрана и да пиете најмалку 2,5 литри вода дневно. Дозволени се одредени варијации во диетата, како тост или јогурт во замена за пудингот од ванила и сирење за туната. Редовното консумирање туна има позитивен ефект врз организмот бидејќи таа изобилува со витамин Д и омега-3 маснотии кои и до 50% го намалуваат ризикот од кардиоваскуларни болести, ја подобруваат функцијата на мозокот и помагаат при намалување на тежината.
Прв ден
Појадок: 1 шолја црно кафе или чај, 1/2 грејпфрут или овошен сок, 1 тост намачкан со путер од кикирики (или сусам).
Ручек: 100-150 грама туна во салата со рукола, мала краставица исечкана на кругови, чери домати и по вкус, 1 лажичка варена блага пченка и 1 шолја црно кафе или чај.
Вечера: 100 грама печено говедско месо, 200 грама динстувана боранија, 200 грама изрендани моркови со неколку капки лимон, мала чинија пудинг од ванила (околу 100 грама), 1 средно јаболко и 1 шолја црно кафе, чај или вода.
Втор ден
Појадок: 1 шолја црно кафе или чај, 1 варено јајце, 1 тост, 1 банана.
Ручек: 200 грама туна, 5 крекери, 1 шолја црно кафе, чај или вода.
Вечера: 200 грама пилешки гради подготвени на скара, 100 грама варени шпагети, 200 грама варена брокула, 1 банана, мала чинија пудинг од ванила (околу 100 грама), 1 шолја црно кафе или чај.
Трет ден
Појадок: 1 шолја црно кафе или чај, 5 крекери, 30 грама сирење, 1 јаболко со средна големина.
Ручек: 1 варено јајце, 1 тост, 1 шолја црно кафе или чај.
Вечера: 200 грама туна, 100 грама варени шпагети, 100 варен карфиол, 1 круша со средна големина, мала чинија пудинг (околу 100 грама) и 1 шолја црно кафе или чај.
Дополнителни совети
- Оброците распоредете ги така што вечерата да ви биде околу 18 часот, а потоа веќе ништо да не јадете до појадокот.
- Брзата прошетка од 30 минути е нешто што мора да го правите за време на оваа диета.
- Ако користите лекови кои не се комбинираат со грејпфрут, пијте сок од портокал и лимон.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
