Претходно
Дали треба да се загрижите за црвените точки на кожата?
Доколку случајно забележите необични црвени точки на вашата кожа, не грижете се. Појавата се вика ангиома и можете да го спречите нејзиното ширење. Во продолжение прочитајте која е причината за овие кожни неправилности…
Причините за појава на ангиома
Ангиома е мал бенигнен тумор кој се состои од крвни садови. Постојат две главни причини за неговиот развој:
1. Возраст. Кај многу луѓе кои имаат 30 или повеќе години се појавуваат ангиоми. Во овој случај тие личат на мали кружни цреши и се наоѓаат на телото, рацете и рамената. Овие ангиоми се последица од обичните промени на кожата и крвните садови предизвикани од стареењето.
2. Здравствени проблеми или нездрав начин на живот. Ако ангиомата личи на дамка и почне васкуларно да се шири, тоа може да биде знак за проблеми со црниот дроб, васкуларни болести или хормонско нарушување.
Што треба да направите?
Ако случајно забележите дека црвената точка ја менува големината, обликот или почнала да кравари, најдобро е веднаш да отидете на лекар. Ангиомите обично не се причина за да јурнете во болница, но за да бидете сигурни, не заборавајте да ги спомнете нареден пат кога ќе отидете на преглед.
Исто така, би требало да ја спречите појавата на ангиомите во иднина. Најдобрата заштита од нив е здравиот начин на живот и правилната исхрана. Пијте свежо цедени сокови и многу вода, јадете свеж зеленчук и не заборавајте на здравствените придобивки од авокадото и маслиновото масло. Овие едноставни правила ќе ви помогнат да ја одржите вашата кожа здрава, но и да го забавите нејзиното стареење.
