Претходно
Дали на децата им станаа здодевни сите играчки? Искористете ги овие предмети што ги имате дома за да им биде позабавно
Ако на вашите деца веќе им станале здодевни сите играчки што ги имаат, бидете креативни и искористете ги предметите што веќе ги имате дома. За да ги забавувате вашите деца за време на карантинот, бидете креативни и водете сметка за работите што веќе ги имате во вашата куќа.
1. Мебелот како играчки
Пред коронавирусот, можеби имавте нормална дневна соба – перници, масичка, кауч итн. За време на изолацијата, може да откриете дека перниците може да се претворат во топки од лава што треба да се прескокнат, а масата во трпезаријата може да стане тунел на стравот. Со малку фантазија, сè е можно, а ќе ги задржите децата активни и зафатени долго време.
2. Искористете го екранот за да ги натерате децата да го засакаат вежбањето
Телевизорот и паметните уреди не мора да бидат непријатели. Додека се во карантин, вашите деца секако поминуваат повеќе време пред екраните. На Интернет можете да најдете многу вежби што ќе им бидат забавни на децата. Сите деца ги сакаат видеата за танцување и тие ќе вежбаат со нив без да го сфатат тоа. Наместо цртани филмови, покажете им на децата вакви видеа што ќе им бидат интересни, па така, тие сами ќе вежбаат без вие да ги натерате да го сторат тоа.
3. Малку мир и тишина со аудиокниги
Ако ви треба малку мир, а вашите деца не знаат да читаат, користете аудиокниги. На тој начин, ќе имате барем 10-15 минути за себе. Децата ќе седат мирно и ќе слушаат, а за тоа време, вие ќе можете да готвите, да читате или да одморите. На „Spotify“ постојат и бесплатни верзии на аудиоприказни.
4. Искористете ја старата облека за фантастична забава
Ако немате пари или време да им купите облека на децата како онаа што ја носи Елза или другите омилени ликови од цртаните филмови, сега е совршено време да ги извадите старите алишта од плакарот што веќе не го носите. Покажете им на децата како да се маскираат и забавата е загарантирана.
5. Подигнете тврдина за децата на повисоко ниво
Различни тврдини или физички пречки до слатката храна ги забавуваат децата, овозможувајќи ви да имате малку мир. За време на карантинот, овие тврдини или пречки треба да бидат поголеми ако сакате да си обезбедите повеќе мир. Покажете им или помогнете им на децата да изградат нешто малку покомплицирано. Искористете ги столиците, чаршафите и постелнината, а оваа жртва на мебелот сигурно ќе ви се исплати.
Погледнете што треба да има секое дете додека е во изолација.
