Претходно
Дали имате нездрав вишок масти во телото? Проверете со овој едноставен тест!
Секоја четврти чија телесна тежина е во здрави рамки, за жал, има преддијабетска состојба. Понекогаш, можете да немате ниту килограм вишок, а да имате предиспозиции за дијабетес или други заболувања предизвикани од вишокот масти во телото. Сепак, таложењето на мастите во организмот и прекумерната тежина се едни од најголемите ризик-фактори за ова заболување. За среќа, постои едноставен начин на кој може да се провери дали некој има вишок масти кои би можеле да му го загрозат здравјето.
Сè што ви е потребно е едно јаже со должина која би одговарала на висината на оној што го прави тестирањето. Ако сте, на пример, високи 180 сантиметри, толкаво јаже би ви било потребно. Потоа, јажето превиткајте го на половина и со него обидете се да си ја префатите половината. Ако едвај успевате да ги споите краевите или обемот на струкот ви е поголем од должината на јажето, тоа значи дека нивото на висцералните масти (оние кои се таложат околу внатрешноста на органите) е превисоко.
Висцералните масти се најопасните масни наслаги што може да се најдат во нашето тело, но речиси никогаш не може „од око“ да се процени во колкав процент личноста ги има. Всушност, токму тоа е причината поради која и оние со витка фигура можат да имаат многу хронични здравствени проблеми, кои се предизвикани од мастите наталожени околу нивните внатрешни органи. Превисокото ниво на висцерални масти го зголемува ризикот од дијабетес и срцеви заболувања. Ризикот не е исклучен и кај оние луѓе кои имаат индекс на телесната тежина во нормални здрави граници. Односот на висината и обемот на половината е добар показател за количината на висцералните масти во телото.
Индексот на телесна тежина не мери како мастите се распоредени во телото, па затоа и не дава доволно податоци за ризичните фактори за разни метаболички нарушувања.
Експериментот со јажето покажал дека оваа теорија има смисла и дека дури 25 проценти од оние кои имале индекс на телесна тежина во здрави граници не го поминале „тестирањето со јажето“. Кога некој е метаболички дебел, со други зборови кажано „слаб, но дебел“, тој човек има нормален индекс на телесна тежина, но истовремено има и метаболички маркери кои вообичаено се поврзуваат со дебелината. Овие метаболички маркери можат да бидат различни, од покачено ниво на шеќер во крвта до покачени триглицериди и холестерол.
За да го намалите нивото на висцерални масти, кои можеби ги имате наталожени околу вашите внатрешни органи, треба да ја избалансирате исхраната така што ќе внесувате помали количини јаглехидрати и повеќе здрави масти, а доколку вклучите и некаква физичка активност, многу брзо метаболитичките маркери ќе се вратат во нормала.
Здравите масти, како на пример оние од авокадото, јаткастите плодови, маслинките, лососот и други намирници, на вашето тело ќе му го обезбедат неопходното „гориво“ кое е потребно за оптимално работење на срцето, нервниот систем, мозокот, а исто така со ова ќе ја олесните и апсорпцијата на витамините кои ги внесувате преку здравата исхрана.
