Претходно
Дали ги познавате 5-те јазици на љубовта?
Љубовта е присутна секаде. Покрај тоа што може да се почувствува, таа може и да се види. Во некоја смисла, токму љубовта е она што го движи светот. Сепак, начинот на комуникација значително се разликува од една до друга личност. Се смета дека постојат 5 уникатни „љубовни јазици“ кои прават нераскинлива врска помеѓу двајца. Љубовта не е тренд, туку напротив, таа е основна човечка потреба за опстанок. Во продолжение погледнете ги 5-те јазици на љубовта и како истите можете да ги искористите за да ја зајакнете вашата љубовна врска.
1. Потврдни зборови
Секој сака убави комплименти, но исто така важни се и постапките со кои покажувате дека личноста до вас е убава и прекрасна. Без разлика дали станува збор за начинот на облекување или пак за блескавата насмевка, потврдните зборови може да го разубават денот во голема мера. Еден комплимент од типот „Денес изгледаш убаво“ може да ја направи разликата помеѓу добриот и одличниот ден.
2. Помагање
Миењето садови, перењето, косењето трева и уште многу други работи кои може да се најдат на оваа листа, зборуваат погласно од какви било зборови. Партнерот или партнерката многу подобро ќе се чувствува кога ќе знае дека ги споделувате вашите обврски и дека сте тука за да му/ѝ помогнете.
3. Подароци
Овде се мисли на картички со пораки, цвеќиња, накит, чоколадо и слично. Поединците кои комуницираат преку примање на овие предмети, обожаваат да бидат опкружени со кутии убаво завиткани подароци. Не е толку важен подарокот, колку што е важна идејата и гестот на внимание. Всушност, тоа ќе им покаже дека партнерот навистина ги сака и ги разбира. Празниците и родендените се одлични начини за да ги изненадите своите сакани со внимателно одбрани предмети кои тие ги сакаат.
4. Физичко допирање
Ова е најверојатно и најпознатата формула за изразување на љубовта, затоа што допирот е полн со топлина, блискост и интимност. Прегратките, бакнежите и милувањата постојат затоа што прават луѓето да се чувствуваат безбедно и вредно. По тешкиот и напорен ден на работа, оние кои чувствуваат љубов преку допирите едвај чекаат да стигнат дома и да се најдат во прегратките на својот партнер. Како засолниште, тоа им овозможува еден момент да се опуштат и да избегаат од реалноста, да најдат удобност и утеха во блискоста.
5. Корисно поминато време
Времето е драгоцено и луѓето кои го користат овој љубовен јазик ова најдобро го знаат. Без разлика дали тоа ќе биде еден ден поминат во прошетка низ паркот или разгледување на градот, самиот чин на поминато време со вашиот партнер може да ве направи радосни и исполнети. Така, вие растете и се развивате заеднички.
Вие можеби ќе користите комбинација од 2, 3 или пак можеби сите видови јазици, со цел да ја изразите вашата љубов. Не постои подобар или полош начин да го сторите тоа, бидејќи тоа е она што ве прави да бидете единствени. Кога ќе го откриете вашиот љубовен јазик, тогаш ќе ви биде полесно да ги пренесете вашите чувства и мисли. Секој сака да биде сакан, но не сите личности треба да бидат сакани на ист начин.
