Претходно
Чоколадо по ваш вкус за кое не ви е потребен рецепт
Датум: 05 јан 2014
Коментари: 0
Лесно за приготвување, згодно за прилагодување
Потребни состојки:
- 450 г чоколадо
- 200 г јаткасти плодови по избор
- 200 г суво овошје по избор
Начин на подготовка:
1. Исецкајте бело, млечно или црно чоколадо на покрупни парчиња. Во огноотпорен стаклен сад ставете три четвртини од парчињата чоколадо. Ставете го во микробранова, на средна температура, 30 секунди. Извадете го и промешајте со гумена мешалка. Потоа повторувајте ја истата постапка, сѐ додека чоколадото целосно не се истопи. Додадете го преостанатото чоколадо и мешајте за да се стопи.
2. Земете тавче, покријте го со хартија за печење или алуминиумска фолија и исипете го стопеното чоколадо.
3. Израмнете ја смесата убаво низ целата површина.
4. На ред доаѓаат додатоците. Посипете кикиритки, сечкани суви кајсии, брусници, индиски оревчиња или која било друга комбинација по ваш вкус.
5. Оставете го чоколадото да се стврдне најмалку 4 часа во ладна просторија или 30-тина минути во фрижидер. После тоа, скршете го во неправилни форми и ставете ги во тегла или погоден сад.
Доколку пак сакате да го подарите, на теглата врзете убава панделка, прикачете картичка и на неа напишете ги состојките за да знаат за какво слатко доживување станува збор. Бидете креативни, споделувајте и уживајте во прекрасниот десерт.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
