Претходно
Брза и едноставна: Највкусната торта без јајца и лактоза
Не пропуштајте го нашиот рецепт за торта без јајца и лактоза! Станува збор за вкусен и едноставен рецепт кој сигурно ќе сакате уште веднаш да го пробате.
Потребни состојки:
- 1,4 литри вода
- 18 лажици брашно
- 18 лажици шеќер
- 3 лажици џем или мармалад по избор
- 100 грама мелени бисквити
- 6 лажици масло
- 2 лажици какао
- 2 лажички сода бикарбона
- 120 грама чоколаден пудинг
- 200 грама чоколадо за готвење
- 250 грама маргарин
- 100 грама шеќер во прав
- 300 грама шлаг крем
- 500 милилитри минерална или обична вода
Начин на подготовка:
1. Загрејте ја рерната на 180 степени целзиусови.
2. Измешајте 13 лажици шеќер во 400 милилитри топла вода. Додадете 4 лажици масло и мармалад и измешајте ги сите состојки. Потоа додадете брашно, какао, сода бикарбона и мелените бисквити и мешајте додека смесата не се изедначи.
3. Истурете третина од смесата во сад за печење и печете ја кората околу 15 минути. Повторете ја постапката за уште 3 или 4 кори.
4. Подгответе го пудингот според упатството од кесичката, тргнете го од оган и додадете 100 грама чоколадо за готвење и мешајте додека не се растопи. Во друг сад изматете го маргаринот со шеќерот во прав и додадете го пудингот. На крај, изматете го шлагот.
5. Намачкајте ги корите така што првин ќе го нанесете кремот, а потоа шлагот. Постапката повторете ја додека не ги наредите сите кори. Врвот на колачот прелијте го со крем, а остатокот со шлаг. На крајот растопете 100 грама чоколадо за чоколадна глазура.
Откако го прочитавте нашиот денешен рецепт, можеби ќе сакате да го прочитате и рецептот за најлесната торта за која ви се потребни само 3 состојки.
Извор: atma.hr
