Претходно
Брз рецепт за ручек полн со протеини што се подготвува за само пет минути
Во текот на летото обожаваме брзи рецепти за ручек или вечера кои го освежуваат организмот и не бараат вклучување на шпоретот. Важно е да изберете рецепт со висока содржина на протеини и здрави масти што го заситуваат организмот и му ги обезбедуваат важните хранливи материи.
Потребни состојки:
- 1 голема конзерва туна
- 1 краставица со средна големина
- 1 авокадо
- ¼ црвен кромид
- 1 лажица свежо исцеден сок од лимон
- сол и бибер по желба
- свежи листови магдонос
Начин на подготовка:
1. Исцедете го маслото од туната.
2. Исчистете ја краставицата и исечете ја на помали коцки.
3. Излупете го кромидот и исечете го на тенки ленти или коцки.
4. Отстранете ја коската од авокадото, излупете го и исечете го на помали парчиња.
5. Во еден сад измешајте ги сите состојки, додајте ситно сечкан магдонос, сок од лимон, сол и бибер.
6. Послужете веднаш со гарнир по желба. Добар апетит!
Погледнете како да направите протеинска салата со никулци од наут.
