Претходно
Бјути трикови кои ги користеле нашите мајки, а сѐ уште се добри
Денес во парфимериите можеме да најдеме најразлични производи за нега на лицето и телото, но тоа не значи дека тие делуваат подобро од третманите кои ги користеле нашите мајки. Погледнете ги само актерските диви од ‘50-тите, ‘60-тите, ‘70-тите и ‘80-тите години на минатиот век. Тие секогаш изгледале гламурозно и средено, а својот добар изглед им го должеле на едноставните бјути трикови кои без никаков проблем можеле да ги практикуваат сите жени ширум светот. Еве некои од нив кои и денес „палат“.
1. Ако сакате лакот за нокти брзо да ви се исуши, пикнете ги прстите во сад со ледена вода.
2. Ако вашето моливче за очи е тврдо или исушено, пред нанесување загрејте го врвот со пламен од запалка. Бојата ќе лизга по капаците, а ќе трае со часови.
3. Проблемот со широките пори и не бил толку голем порано. Сѐ што треба да направите е да нурнете со лицето на 5 секунди во сад со ледена вода. Повторете го ова 2 пати.
4. За ефикасен тоник за лице не мора многу да платите. Во шишенце ставете комбинација од јаболков оцет и вода во однос 1:3, промешајте ја мешавината и користете ја секоја вечер по чистењето на лицето. Кожата ќе ви биде свежа, а киселината од јаболковиот оцет ќе ви помогне и во ослободувањето од мозолчињата.
5. Немате виткач за трепки? Нема проблем, сигурно имате лажица. Откако ќе ја нанесете маскарата, надворешниот дел од лажицата благо притиснете го на затворени очи и така подигнете ги трепките. После неколку секунди тргнете ја лажицата и уживајте во вашите секси трепки.
6. Сакате природни прамени како од плажа? Ако имате природно кафена или светлокафена коса, прескокнете го одењето на фризер и испробајте го стариот мамин рецепт. Пред да одите на плаќа, нанесте лимонов сок. Кога ќе се вратите од одмор, сите ќе ве прашуваат за бројот на вашиот фризер.
„Трикови за убавина кои ги користеле нашите мајки, а сѐ уште се добри“