Претходно
Бели дамки на забите, зошто некои луѓе ги имаат, а други не?
Ова е прилично честа состојба и е наречена стоматолошка флуороза. Доколку се појави во детството, тогаш е безопасна, но ако се појави во зрелоста, тогаш таа е здравствен симптом.
Ако имате бели дамки на забите и тоа отсекогаш било така, нема потреба од загриженост, велат стоматолозите. Тоа е забна флуороза која се развива во текот на детството, откако ќе никнат трајните заби. Официјално се наведува како развојно нарушување на забите или емајлот, што е предизвикано од прекумерно внесување на флуорид за време на развојот.
Оваа појава на забната обвивка има изглед на т.н. „бели дамки“ на забот, заради големата количина на флуор во водата за пиење. Флуороза на емајлот на забите се јавува само за време на детството и нема причина за загриженост ако се појави.
Но, ако белите дамки ненадејно се појават во животот на возрасните, тогаш тие може да бидат причина за загриженост. Таквите дамки, потоа, може да бидат симптом на ран кариес, особено ако белите дамки се наоѓаат во близина на непцата. Ова се случува кога бактериите во устата, кои биле јаглехидрати почнуваат да лачат киселина што ја напаѓа структурата на забот. Потоа, белата дамка се појавува како лезија под која почнува да се формира шуплина.
Во тој момент, процесот на расипување на забите сè уште може да се запре – пред сè со нанесување на флуорид на белите дамки, што му помага на забот во задачата на самолекување.
А од каде потекнуваат темните дамки?
Надворешни причинители за промените на забите се најчесто животните навики, како што се пушењето и пиењето кафе и темни напитоци. Внатрешните причини за промена на бојата на забите се посложени и може да бидат резултат на таложењето пигменти во самата структура на забите.
Може ли да се појават како резултат на земањето на одредени антибиотици, поради генетски причини, стареење или како резултат на нервна смрт на забите. Но, освен забот, може да потемнат и непцата, а тоа е веќе естетски проблем.
Решението за овие проблеми е избелувањето – процес што ги обезбојува наслагите на забната површина од различно потекло со млаз што е мешавина од ситни зрнца песок, воздух и вода.
Можеби сакате да дознаете и зошто никогаш не треба да ставате пластично капаче на вашата четка за заби?
