Претходно
„Антиејџ“ исхрана: 9 намирници кои го подмладуваат организмот
5. Спанаќ
Спанаќот е одличен извор на бета-каротен и лутеин, кои ја подобруваат еластичноста на кожата. Заедно со другите претставници на листестите зеленчуци, како кељот и блитвата, спанаќот ја чува кожата од оштетувања предизвикани од сончевите зраци. Комбинирајте го свеж во салати или подгответе го како ручек или прилог на ручекот.
6. Авокадо
Ова овошје содржи маси киселини и витамини Б и Е, чија комбинација ја храни и негува кожата. Исто така, калиумот помага да се одржува здрава хидратација на телото. Авокадото има алкални својства, што значи дека воспоставува рамнотежа на pH-вредноста на организмот, а освен тоа, помага и за да се подобри имунитетот.
7. Брокула
Брокулата спаѓа во групата на најздрави зеленчуци во светот. Богата е со витамин Ц, кој ја прави кожата цврста и затегната. Содржи и здрави протеини, калциум, витамини А и К и соединенија кои штитат од срцеви заболувања и помагаат телото да се ослободи од отровите. Со редовно вклучување на брокулата во вашето мени, ќе го забавите процесот на стареење на органите и ткивата, предизвикан од слободните радикали, но и ќе помогнете кожата да се хидратира однатре.
8. Маслиново масло
И старите Грци и Римјани биле свесни за неговата корисност, па го користеле редовно во исхраната, но и како еликсир против стареењето. Незаситените масти го штитат организмот од најразлични заболувања, а на здравиот човек му е најлесно и да остане млад. Додавајте го во салати или врз чорби, но не гответе со него.
9. Куркума
Куркумата е присутна и во ајурведската и народната кинеска медицина како извонреден чувар на младоста. Има антивоспалителни, антимикробни, антиоксидативни и антиканцерогени својства и пружа целосна заштита на имунитетот. Куркуминот што го содржи помага да се создава колаген во организмот, го намалува штетното влијание на УВ-зраците врз кожата, го чува кардиоваскуларниот систем, но и мозочните функции. Доколку редовно се користи, може да спречи остеопороза, бидејќи ја штити густината и еластичноста на коските.
Прочитајте и кои производи не би требало да ги комбинирате во исхраната.
