Претходно
Ако овие работи ви се вртат во главата, немојте да одговорите со „да“ на понудата за брак
Луѓето кои се разведуваат речиси секогаш велат дека знаеле дека не треба да стапат во брак со таа личност. Па, се поставува прашањето: „Ако знаете не си одговарате со партнерот, зошто стапувате во брак со него?“ Дали не сакате да признаете или едноставно би се чувствувале засрамено ако вашата врска не успее? Во продолжение прочитајте кои знаци откриваат дека не треба да одговорите со „да“.
1. Мислите дека вашиот партнер изгледа неуредно
Како се чувствува една личност за себе има голема поврзаност со лицето што му го претставува на светот. Дали партнерот изгледа несредено и разбушавено кога излегува или изгледа убаво и ја носи главата крената? Кажете му „да“ на вториот, а размислете за првиот затоа што зад неурениот изглед се крие запуштена душа.
2. Забележувате дека неговото досие за вработување не е сјајно
Прегледот на неговото работно искуство е важен за успехот во врската. Заборавете на митот за вечна љубов. Трајната романса во реалниот живот треба да се процени со отворени очи.
Бидете искрени со себе: Дали може да работи? Дали тој имал успешни, долги врски во минатото? Ако одговорот на едното или на двете прашања е не, можеби ќе сакате да направите чекор назад.
3. Не сте сексуално компатибилни или чекате да дознаете
Не оставајте го сексот за првата брачна ноќ. Ако не сте го сториле тоа досега, пробајте да го направите тоа пред да ги кажете заветите. Хемијата во спалната соба има голема врска со комуникацијата. Ако нема енергија помеѓу вас сега, веројатно нема да има ни кога ќе имате деца, сметки и други животни предизвици што ќе се наталожат помеѓу вас.
Ако не можете да доживеете оргазам, запрашајте се за што станува збор и дали може да се поправи или дали прифаќате живот со погрешни сигнали и недоразбирања.
4. Не сте се погледнале добро во огледало
Дури и да се чувствувате несигурно, немојте да си дозволите да го поминете целиот живот трчајќи по некоја личност, наместо да се трудите да ги остварите вашите соништа.
Ако не сте задоволни и среќни со самите себеси, немојте да стапувате во брак бидејќи сигурно нема да бидете задоволни ни со партнерот.
5. Чувствувате дека сè се одвива премногу брзо
Возбудата од новата романса нема да ви дозволи да ги откриете вистинските карактеристики на партнерот и да откриете дали се чувствувате удобно во врската. Дајте ѝ време на вашата врска ако сакате таа да го издржи тестот на времето.
6. Вашиот брак изгледа како нечиј друг избор
Тоа што е на хартија се разликува од она во реалниот живот. Бракот не е мал подвиг.
Лошиот брак ќе ве натера да видите сè што не е привлечно кај вашиот партнер; добриот брак ќе ги осветли неговите квалитети. И едните и другите постојат во еднаква мера во секоја врска.
Омажете се за личноста која повеќе ви изгледа добро отколку лошо, со чии маани можете да живеете и пред која можете да се претставите во вистинско светло.
Прочитајте зошто повеќето мажи веќе не се заљубуваат.
