Претходно
Ако обожавате да носите капи, тогаш ова се идеалните фризури за вас!
Во зимскиот период најтешко е да пронајдете рамнотежа помеѓу убавата фризура и носењето капа. Една од најголемите женски дилеми е: „Дали да ми биде топло или да се жртвувам и да имам убава фризура?“ Но, не грижете се, денес ви ги претставуваме најдобрите фризури за носење капа. Сигурни сме дека со нив ќе изгледате фантастично во овие зимски денови.
1. Неуредна плетенка
Ова е идеална фризура за девојките кои сакаат бохо стил. Се прави брзо и лесно, а изгледа одлично ако носите зимска капа.
2. Паж со текстура
Имате паж фризура? Тогаш таа идеално ќе се вклопи со зимската капа. Сè што треба да направите е да создадете волумен и текстура за вашата коса да изгледа побујно.
3. Низок јазол
Немате многу време за средување? Оваа фризура се прави за помалку од 3 минути! Ставете ја капата на главата и направете ја оваа едноставна фризура која е позната како „јазол пунџа“.
4. Суптилни бранови
За сите оние што сакаат минимализам, оваа фризура е идеална. Дискретните бранови во косата со комбинација на капа ќе создадат онаков ефект каков што посакувате за минималистички изглед.
5. Скриена коса
Ако вашата коса е мрсна и сте немале време да ја стилизирате, а не сакате да го напуштите вашиот топол дом без капа, тогаш ова е совршеното решение за вас! Трикот се крие во хипи стилот, а целта е да ја сокриете вашата коса внатре во капата. Ефективно и лесно!
6. Рамна коса
Постојат девојки кои без разлика што ќе направат со својата коса, тие не можат долго време да ја држат стилизирана, бидејќи таа е „тврдоглаво“ рамна. Оваа коса се ускладува со кои било зимски капи, бидејќи ќе изгледате како да сте свежо фенирани.
