Претходно
Ако научите да уживате во животот без овие 11 работи, ништо нема да ви биде толку тешко
Среќата понекогаш е тешко да се достигне. Посегнувате по одредени цели, па кога ќе ги добиете, тие не ви носат среќа. Тогаш посегнувате по нови желби, се вртите во круг и останувате несреќни. Будистите би рекле дека желбите водат кон несреќа, а постои и одредена мудрост во тоа. Наместо тоа, погледнете ги овие 11 работи коишто мислите дека се важни, но вистината е дека не ви се потребни за да бидете среќни.
1. Вести
„Незнаењето е благослов“ е сосема погрешно верување, но тоа не значи дека треба да бидете преполни со информации. Нашето општество е презаситено со вести за светот и луѓето околу нас. Не мора да значи дека секоја интрига којашто ќе се случи, треба да ве интересира. Факт е дека ваквите информации имаат преголемо влијание врз начинот на којшто размислувате. Оставете го тоа и научете да уживате во животот.
2. Интернет
Како на вас влијаат информациите коишто ги добивате преку интернетот? Онлајн комуникацијата ја попречува редовната комуникација. Речиси никој којшто го запознавате онлајн не може да ви значи толку колку што ви значат вашите блиски пријатели и семејството, со кои можете да се гледате лице в лице.
3. Коцкање
Коцкањето е забавно. Но, како што тоа станува сè позастапено во нашето општество, луѓето ги занемаруваат неговите недостатоци. Коцкањето ги троши парите на очајните, а дури може да ве направат зависни со тоа што ќе сонувате за лесно богатство. Коцкањето не е добро ниту за вашата врска, ниту пак за вашиот партнер.
4. Хоби во коешто не уживате
Секој има потреба од хоби. Но, многу често луѓето одбираат хобија што се прифатливи за општеството, а не такви во коишто навистина уживаат и за коишто се навистина заинтересирани. Планинарењето и велосипедизмот се навистина прекрасни, но не секој ужива во нив. Не одбирајте хоби со чија помош ќе сакате да ги импресионирате другите. Нема да уживате на ваков начин. Изберете нешто што ќе правите во вашето слободно време, а што ќе го правите со задоволство.
5. Скап одмор
Не мора да значи дека скапиот одмор може да ви донесе убави спомени. Посетата на вашите роднини и одржувањето на семејните врски може да ви обезбеди прекрасни незаборавни моменти.
6. Голема куќа
Најчесто, големата куќа значи место каде што ќе треба да поминувате повеќе време во нејзино чистење и одржување. Оние луѓе кои ги имаат најголемите куќи, понекогаш се и помалку среќни од останатите. Поголемата куќа носи и поголеми тековни трошоци. Па, размислете, во што би сакале повеќе да уживате: во удобен живот или голема куќа?
7. Забава
Забавата е убава и понекогаш потребна. Но, доколку на забавата гледате како на излез од напорната работа, тоа значи дека вие би потрошиле повеќе пари на забава отколку на други работи во животот.
8. Скапи љубовни состаноци
Кога излегувате со други, честопати се обидувате да ги импресионирате со тоа што ќе ги одведете на скапи места. Ова не води никаде. Најдобрите состаноци, исто како и најдобрите одмори, се оние каде што ќе ги запаметите самите настани подобро отколку местата каде што сте биле.
9. Членување во теретана
Вежбањето е добро за одржување на вашето здравје. Но, тоа не значи дека е потребно да посетувате теретана или пак да купите справи за вежбање во домашни услови. Редовното трчање може да ви помогне во одржувањето на добрата здравствена состојба. Оваа активност е поевтина и нема да ве разочара како лентата за трчање којашто собира прашина во вашата соба.
10. Најновата технологија
Технологијата е средство коешто помага во потрагата по подобар живот. Но ова не значи дека треба секогаш да ја имате најновата технологија, туку само тогаш кога мислите дека тоа може да ги реши вашите проблеми или на некој начин да ви го подобри животот.
11. Одобрување од другите луѓе
Речиси сè што споменавме претходно се однесува на една работа: сакате да им се допаднете на другите. Затоа сакате голема куќа, скап одмор или ја следите технологијата. Запаметете: не постои човек на светот којшто е повеќе омразуван од оној којшто сака да ги направи сите како него. Бидете свои. Тоа е најдоброто нешто што можете да го направите за да бидете среќни!
