Претходно
9 ризици кои секој треба да ги преземе барем еднаш во животот
Многу луѓе сметаат дека ризиците се опасни и дека треба да се избегнуваат. Можеби и вие го мислите истото, а можеби пак, сметате дека се нешто добро. Вистината е дека постојат и едните и другите. Погледнете некои од неверојатните ризици кои би требало да ги преземете барем еднаш во вашиот живот, ризици кои ќе ви отворат можности за кои сте мислеле дека се невозможни.
1. Следете ги вашите соништа
Ова е секогаш на прво место. Имате сон? Следете го! Не е смешно да сакате повеќе, не е смешно да имате сон и не е смешно да го следите тој сон. Секоја минута која ја поминувате во нешто друго е трошење време. Немојте да го поминете вашиот живот без да остварите барем еден од вашите соништа.
2. Дајте отказ од работното место
Не станува збор за работата што ја сакате. Ако вашето сегашно работно место не ве исполнува и го задржувате само да ги платите сметките, бегајте од таму. Размислете, го трошите поголемиот дел од вашето време правејќи нешто што не го сакате, и сето тоа за да продолжите да живеете и повторно да го правите тоа.
3. Патувајте на другиот крај од светот
Не треба да одите во скап хотел и цел ден да го поминете пред базен, истражете сè што една земја има да ви понуди. Запознајте се со жителите, видете како живеат, обидете се и вие да живеете така. Одберете ја државата која ве фасцинира и тргнете во авантура.
4. Ставете крај на просечната врска
Ова е тешко за многу луѓе. Стравот од тоа да се биде сам, или пак стравот дека нема да пронајдете друг партнер не ви дозволува да ставите крај. Ако се чувствувате вака, навистина треба да го преземете ризикот, ставете крај, и најдете ја вистинската љубов.
5. Започнете свој бизнис, без разлика на шансите
Почнувањето сопствен бизнис не е за секого, но сепак и овој ризик е на листата. Има многу луѓе кои се добри во тоа, но им е страв да започнат што било. Една од најстрашните работи е да го изгубите вашиот постојан приход и да работите многу часови неделно за да изградите нешто што не знаете дали ќе успее. Ако сакате свој бизнис, пробајте го тоа.
6. Инспирирајте ги другите и покрај тоа што ќе ви се смеат
Кога ќе станете инспирација за некого, верувајте дека ќе има многу потсмевање и негативни коментари. Но, треба да знаете дека ќе има уште толку благодарност заради вашата помош, а тоа е она што е важно. Посветете го вашиот живот да им станете инспирација на другите, ќе ви се исплати.
7. Насочете го целиот фокус во една работа
Ако некогаш сте го направиле ова, сигурно знаете колку моќни можат да бидат резултатите. Кога се фокусирате на само една работа, вие многу брзо станувате експерт во таа област. Ако вежбањето е вашата страст, целиот фокус нека биде тоа, и ќе забележите колку бргу ќе напредувате. Истото важи и за вашиот бизнис, вашата кариера, вашите врски…
8. Следете го вашиот пат, не патот на другите
Од денот кога се раѓаме, нашиот пат на некој начин е одреден – училиште, факултет, работа, и на овој начин се искачуваме на скалата на успехот. Овој пат е одреден за сите и секој може да го следи, но само ако сака. Ако сакате да имате друг пат во животот, некој кој навистина ќе ве исполни, ќе треба сами да го изградите. И тоа не е лесно бидејќи никогаш не знаете каде ќе ве одведе. Сепак, ова ќе ве направи неизмерно среќни. Ризикувајте и следете го својот пат, не гледајте што прават другите.
9. Преселете се во друга држава сами
Наместо патување, што велите всушност да живеете во друга држава, и тоа сами? Ова е интересно бидејќи ќе ве присили да излезете од вашата удобна зона. Можеби ќе бидете опкружени од луѓе кои зборуваат туѓ јазик, или пак живеат живот на кој не сте навикнати. Ако го направите ова, вие ќе бидете сами во непознатото, но ќе сфатите колку е тоа неверојатно.
Погледнете и зошто вреди да преземате повеќе ризици.
