Претходно
9 формули за модни комбинации кои секогаш изгледаат добро
Приказните за трендовите ни го насочија вниманието кон она што е најважно, а тоа е што да одберете кога не знаете што да облечете, кога ќе ви снемаат идеи, а потребен ви е убав, пристоен изглед и тоа веднаш. Немојте да паничите, не е време за тоа, бидејќи светот на модата никогаш не останува без идеи и инспирација. Токму затоа, денес ви претставуваме неколку модни комбинации кои се сосема модерни, но воедно и класични и секогаш функционални.
1. Добро скроеното сако е парче кое никогаш нема да ве изневери. Во комбинација со едноставна блуза, здолниште или панталони, квалитетното сако ќе биде оној завршен детаљ кој секогаш одлично ќе ви прилега.
2. Малиот, црн фустан како и секогаш е еден од најдобрите избори кога сакате да изгледате лежерно, елегантно, класично и атрактивно. Во комбинација со крем или беж детали во вид на обувки и чанта, ваквиот фустан ќе изгледа сосема поразлично и ќе биде совршено бегство за ситуацијата во која се фаќате за глава, бидејќи не знаете што да облечете.
3. Наместо малиот црн фустан, одберете макси фустан во црна боја, едноставно скроен, што сам по себе е класичен и елегантен. Она со кое ќе го направите помодерен се чизмите до глуждови и некоја поголема, тренди чанта.
4. Облечете најобична блуза со долги ракави, а потоа комбинирајте ја со плисирано, металик здолниште кое има должина до под колената. Така ќе споите едно сосема обично парче облека со нешто што во овој момент е популарен тренд и ќе имате модна комбинација која ќе можете да ја облечете секогаш и секаде.
Продолжете на следната страница за да ги погледнете останатите комбинации кои ќе ве спасат во последниот момент.
