Претходно
8 стари трикови за ослободување од лузни од акни и несовршености на лицето
Статистичките податоци покажуваат дека 95% од луѓето страдаат од акни во некој период од животот. Акните и другите несовршености на кожата може да бидат предизвикани од разни работи – од лоша исхрана, до погрешни продукти за нега. До денес никој нема пронајдено лек за целосно и трајно отстранување на акните. Сепак, постојат некои природни третмани кои можат да ви помогнат да го исчистите вашето лице без употреба на хемикалии.
1. Темни подочници: Куркума и сок од ананас
Куркумата ги намалува темните кругови под очите предизвикувајќи антиоксидансен ефект на кожата.
- Измешајте 2 лажички куркума и 2 лажички сок од ананас и направете паста.
- Нанесете ја пастата под очите и оставете да делува 10 минути.
- Отстранете со мека крпа.
- Повторувајте секој ден додека не забележите подобрување.
Оваа маска исто така ќе ја омекне кожата под очите.
2. Изгореници од сонце и воспаленија: Авокадо
Авокадото содржи витамини А, Д и Е кои ја смируваат изгорената кожа, го поттикнуваат производството на колаген и ги намалуваат кожните воспаленија.
- Испасирајте половина авокадо со виљушка.
- Додајте 2 лажици топла вода во авокадото и измешајте.
- Нанесете ја смесата на проблематичните места со четка и оставете да делува 10 минути.
- Исплакнете со млака вода.
Ако имате сува или чувствителна кожа, додајте и 1 лажичка мед во маската.
3. Хиперпигментација: Компири и сок од лимон
Компирите содржат многу витамини и минерали кои се ефикасни во третирање на хиперпигментација, темни дамки и лузни од акни. Лимонот има цитрусна киселина која е природен избелувач.
- Темелно измијте го компирот, исечете го на мали парчиња и ставете го во блендер.
- Исцедете ја течноста од изблендираниот компир.
- Исцедете еден лимон.
- Земете 4 лажички сок од компир и 2 лажички сок од лимон и измешајте.
- Нанесете дебел слој од смесата на проблематичните места.
- Откако ќе го нанесете првиот слој, оставете малку да се исуши, па нанесете ги вториот и третиот слој.
- Оставете ја маската преку ноќ и исплакнете со топла вода наутро.
- Повторувајте го третманот секој ден во рок од 1 недела.
Ако имате сува и чувствителна кожа додајте 1 лажица мед и 1 лажица вода од ружа. Ако имате мрсна или комбинирана кожа додајте 2 лажици брашно од ориз во маската.
Мешавината можете да ја чувате во фрижидер 3-4 денови.
4. Акни: Јаболков оцет
Јаболковиот оцет содржи оцетна киселина и микроелементи како калиум и магнезиум. Тој е одличен за детоксикација и може да го реши проблемот со акните.
- Измешајте лажица јаболков оцет со 2-3 лажици дестилирана или филтрирана вода.
- Нанесете ја мешавината на чисто лице со памук.
- Почекајте тоникот да се исуши. По него можете да користите и други продукти.
- Нанесувајте 2 пати дневно по миење на лицето.
Продолжува на следната страница…
