Претходно
8 работи за неплодноста за коишто никој не зборува
Прво доаѓа љубовта, па бракот, па планираниот секс и терапиите за плодност придружени со средовечниот доктор кој постојано гледа помеѓу вашите нозе. Добредојдовте во светот на правење бебиња! Барем вака изгледа зачнувањето за некои жени. Жените кои не можат да забременат поминуваат низ многу тежок период и постојано се преплавени со емоции, како што се осаменост, загуба и самоомраза. Многу ретко се зборува на оваа тема иако би требало. Доколку и вие имате таков проблем, ова се 8-те работи што никој не ги кажува, а би требало да ги знае секоја жена…
1. Неплодноста не е резервирана само за жените кои имаат повеќе од 37 години
Има многу жени кои се на возраст од 29 до 30 години, а сепак нивната неплодност е необјаснива. Тие може да немаат никаква дијагноза. Може да е сѐ во ред со плодноста на мажот и репродуктивниот систем на жената. Понекогаш, и покрај тоа што нема никакви пречки, на некои парови им треба помош за да направат дете. Секој пар е различен и сите жени имаат различно тело.
2. Се чини дека времето е главниот непријател
Кога терапијата не помага одново и одново, секој месец станува сѐ потешко и потешко. Како што минува времето, така опциите се намалуваат и по одреден период, многу жени мислат дека никогаш нема да успеат да забременат.
3. Тешко е да се биде во присуство на деца
Најтешко е да се биде помеѓу родители кои имаат деца. На жените кои не можат да забременат им паѓа многу тешко кога ќе видат бебешка количка на улица или бремена жена, за тоа што мислат дека тие никогаш нема да имаат деца.
4. Терапиите се многу скапи
Велат дека бебињата се скапи, но за некои парови, правењето бебиња е многу поскапо. Секоја тура хормони може да ве чини дупло повеќе од претходната. Доколку регуларната терапија со хормони не ви помогне, ќе треба да почнете да размислувате за оплодување со ин витро, што е уште поскапо. Дали вреди сиот овој трошок? Апсолутно!
5. Неплодноста целосно ги обзема мислите
Една недела ќе ви се чини како месец, месецот како година, а годината како цела вечност доколку се обидувате да забремените. Кога вашиот живот е под контрола на лекарските прегледи и неделните вагинални ултразвуци, тешко е да се размислува за што било друго.
6. Хормоналните терапии не се толку наивни
Жените кои се неплодни и примаат терапија, внесуваат толку многу хормони што тоа им влијае на целиот организам, емоциите и физичкото тело. Можно е да ви излезат акни, да качите вишок килограми и да не се чувствувате привлечно. Жените може да изгледаат како да се бремени како последица на хормоните, а да не се навистина бремени. Вистинска иронија!
7. Очајот ги надминува границите
Жените кои имаат проблем со плодноста ќе бидат подготвени на сѐ за да забременат. Ако чујат дека некоја сомнителна терапија ќе им помогне да забременат, тие ќе ја пробаат. Кинески билки со чуден вкус? Пробано. Визуелна медитација која ќе ве поттикне да ја замислувате вашата матка како безбедно, топло и удобно место? Пробано. Сите можни природни производи направени од разни тревки? Пробано. Кога жените ќе почнат да веруваат дека можеби никогаш нема да забременат, почнуваат да прават луди работи.
8. Социјалните мрежи ја влошуваат целата ситуација
Кога се обидувате да направите бебе, ви се чини дека секој објава на Фејсбук е поврзана со бебиња и родители кои си играат со нивните деца. Со оглед на тоа што нивниот живот целосно се менува, жените кои имаат проблеми со плодноста многу често мора да ги сменат и нивните навики во однос на користење социјалните мрежи за да ги одбегнат секојдневните потсетници на она што го немаат. Во спротивно, нема да можат да ја поднесат психичката тортура.
Доколку имате пријателка која се соочува со овој проблем, треба да знаете дека ова се 7-те реченици што не смеете да им ги кажете на жените кои се борат да забременат.
