Претходно
8 причини зошто интровертните луѓе се неодоливо привлечни
Датум: 13 мар 2016
Коментари: 0
Додека растат, интровертните луѓе секогаш сметаат дека со нив нешто не е во ред. Во средношколските и студентските денови секогаш им недостасува сигурност и самодоверба кога се во друштво. Тие најчесто имаат страв од средби со други луѓе, но и покрај тоа секогаш сакаат да ги задоволат потребите на сите околу нив.
Интровертните луѓе мора да откријат повеќе за себе и да дознаат на кој начин можат да ги искористат своите слабости. Штом еднаш ќе се почувствуваат удобно во сопствената кожа, тогаш тие се навистина пријатни луѓе. Еве неколку причини зошто интровертите се неодоливо привлечни.
1. Тие се посветени на интимните врски
Интровертите се многу длабоки личности. Без разлика дали се работи за интеракција со други, разбирање на значењето на нештата или вештините на учење, интровертите сакаат да дојдат до самата суштина на нештата. Тие често немаат енергија за длабока интеракција со голем број луѓе и сакаат да се посветат на односот со мал број луѓе кои многу им значат. Доколку интровертот е заинтересиран за вас, тој ќе ја отвори својата душа.
2. Тие знаат да слушаат
Интровертните луѓе почесто слушаат отколку што зборуваат. Нив им е поважно да ги разберат другите, отколку некој нив да ги разбере нив и сакаат да ги слушнат туѓите приказни и мислења. Секој сака да биде сослушан, а интровертите на луѓето им даваат чувство на важност кога им го подаруваат своето драгоцено време и енергија.
3. Тие се чувствителни
Истражувањата покажуваат дека интровертите се физички почувствителни од екстровертите. Во неодамнешно истражување, на интровертни и екстровертни луѓе им ставале лимонов сок на јазикот. Утврдено е дека интровертите лачат повеќе плунка при допирот со лимоновиот сок. Ова покажува дека мозокот на интровертните луѓе е поосетлив на стимулирање, а тоа значи дека тие се поосетливи на надворешните влијанија.
4. Тие сакаат длабоки разговори
Интровертите повеќе би сакале да разговараат за вредностите отколку за времето. Тие повеќе би разговарале за настаните од детството кои некому го обликувале животот, отколку да разговараат за тоа што вечерал некој претходната вечер. Тие сакаат да разговараат за работите за кои чувствуваат страст, а кога ќе почнат, тешко е да ги сопрете. Ваквите длабоки разговори можат да формираат силна врска помеѓу двајца луѓе.
5. Тие ја користат осаменоста за да се подобрат себеси
Не е новост дека интровертните луѓе поминуваат повеќе време во самотија отколку екстровертите. Во текот на осаменоста, тие не гледаат само напразно во ѕидот, туку најчесто читаат романи кои им ја будат нивната имагинација. Читаат книги со совети, ги анализираат карактерите во филмовите и телевизиските серии и слушаат инспиративна музика. Интровертите секогаш сакаат повеќе знаење, поголеми вештини и повеќе начини да се подобрат како луѓе.
6. Тие не се едноставни
Најпривлечната особина кај интровертите е нивната мистериозност. Тие не споделуваат многу со сите и не сакаат да се менуваат. Додека со некои луѓе се многу тивки, со други знаат да бидат навистина гласни. Интровертите се помирени со фактот дека некои луѓе никогаш нема да ги разберат. Овој недостаток од целосно разбирање може да предизвика љубопитност која набрзо преминува во привлечност.
7. Тие не ги разубавуваат нештата
Интровертните луѓе вообичаено не се трговци и познати се по тоа дека немаат способност да ја разубават реалноста. Тие ќе ви понудат автентичност која може да биде навистина освежителна и привлечна.
8. Тие знаат да ги одложат задоволствата
Интровертите не се импулсивни и поминуваат повеќе време во размислување. Тие се спремни да се жртвуваат на краток рок, за да постигнат нешто големо за себе и за другите во иднина. Тие можат да бидат неодоливо привлечни, само потребно е време да се отворат пред другите. Ако сте интроверт, веројатно често размислувате дека мора да имате „повеќе“ за да бидете атрактивни. Но, за интровертите важи правилото колку помалку, толку повеќе. Не ви се потребни нови приказни и шеги, само треба да научите како на најдобар начин да ги ослободите вештините кои ги поседувате.
