Претходно
8 особини на истрајните луѓе
Сигурно многупати сте слушнале за приказните како некој од „тотален аутсајдер“ станал еден од најуспешните луѓе во својата област. Што е тоа што најмногу ви го привлекува вниманието кај таквите луѓе? Дали е фактот дека тие ги оствариле своите соништа иако никој не верувал во нив? Или нивната истрајност да не се откажуваат кога ќе наидат на пораз? Во продолжение прочитајте за особеностите на истрајните луѓе.
1. Тие се оптимисти
Мотивацијата е една од клучните особини на успешните луѓе. Секако, кога работите се движат во посакуваната насока и не е така тешко да се задржи мотивацијата, но што се случува во спротивниот случај? За да останете мотивирани, треба да дозволите да ве води оптимистичкиот поглед кон иднината, исто како и истрајните луѓе.
2. Тие планираат
Доколку продолжите да се соочувате со предизвици и неуспеси, сосема е нормално да се запрашате дали чекорите во вистинска насока. Исто како и оние кои се истрајни, треба навремено да препознаете доколку чекорите по погрешен пат и да направите план по кој ќе се управувате.
3. Тие се упорни
Колку порано сфатите дека неуспехот е составен дел од животот толку подобро. Сепак, уште поважно е да сфатите дека клучната разлика помеѓу оние кои успеваат и оние кои не успеваат е упорноста. Не е точно дека успешните луѓе не се соочуваат со падови, туку едноставно тие никогаш не се откажуваат.
4. Тие се дисциплинирани
Дисциплината претставува способност да го правите она што е неопходно да го направите во моментот кога треба да го направите. За повеќето, дисциплината е една од најтешките работи за совладување. Затоа е толку важно за некој кој е истраен да биде дисциплиниран.
5. Тие се снаодливи
Снаодливоста е показател за тоа колку некој е вешт во решавањето на секојдневните проблеми. Ова не се сведува само на мерење на интелектот и когнитивните способности. Истрајните луѓе можат да ја искористат снаодливоста за да ги обработат добиените информации како на интелектуално така и на емоционално ниво. Истражувањата покажале дека постои поврзаност помеѓу снаодливоста, комуникативноста, креативноста, и истрајноста. Ако сакате да бидете издржливи и истрајни, морате да почнете повеќе да ја користите креативноста за решавање на проблемите.
6. Тие се трпеливи
Проблемот е тоа што повеќето луѓе не се свесни за тоа колку време ќе им биде потребно за остварување на нивната цел. Доволно е да останете разумни и трпеливи во текот на целиот процес, а успесите ќе почнат да се редат лека-полека.
7. Тие се свесни за процесот на растење
Истрајните луѓе се добро запознаени со фактот дека не можете да ги постигнете целите преку ноќ и дека понекогаш не сте доволно созреани за да дојдете до целта која ја посакувате. Само доколку продолжите да вложувате во личниот развој, ќе можете да ги надминете животните предизвици.
8. Тие се искрени
Искреноста е чин на храброст бидејќи бара од вас да го направите она што е правилно, без оглед на околностите. Луѓето кои се истрајни знаат дека не секогаш нивните напори ќе бидат пропратени со љубов и поддршка, но сепак продолжуваат да го прават она за кое веруваат дека треба да се направи. Тие се пред сè искрени кон себе и веруваат во своите соништа. Затоа, најважно е да бидете искрени во поглед на она што сакате да го постигнете во животот и да бидете подготвени за сите можни ризици и предизвици.
Откако ги прочитавте особините на истрајните луѓе, можеби ќе сакате да прочитате и како да останете позитивни доколку сте опкружени со луѓе кои ви предизвикуваат стрес.
Извор: lifehack.org
